बंगलादेशले वेस्ट इन्डिजविरुद्धकाे दाेस्रो टेस्ट एक इनिङ र १४८ रनले जित्याे

मंसिर १६, २०७५ आइतबार १९:२५:३६ | उज्यालो सहकर्मी

बंगलादेशका मेहदी हसनले दुई इनिङमा १२ विकेट लिए पछि वेस्ट इन्डिज दोस्रो टेस्टमा पनि पराजित भएको छ ।

यो सँगै २ टेस्टको श्रृंखला बंगलादेशले ह्वाइटवास गरेको छ। पहिलो इनिङमा ५०८ रनको विशाल योगफल तयार पारेको बंगलादेशले दोस्रो इनिङ नै ब्याटिङ गर्नु परेन ।

वेस्ट इन्डिजले पहिलो इनिङमा १११ रन मात्रै बनाएपछि फलो अनमा परेको थियो । त्यसपछि दोस्रो इनिङमा पनि वेस्टइन्डिजले २१३ रनमा अल अाउट भएपछि बंगलादेशले एक इनिङ र १८४ रनको जित निकाल्न सफल भयो ।

बंगलादेको जितमा वेस्ट इन्डिजको पहिलो पारी ध्वस्त बनाउने क्रममा मेहदी हसनले ७ विकेट लिएका थिए । १६ ओभर बलिङ गरेका हसनले १ ओभर मेडन राख्दै ५८ रन खर्चिएर महत्वपूर्ण सात जना ब्याट्सम्यानलाई पेभेलिएन पठाएका थिए । यसैगरी १५.४ ओभर बलिङ गरेका शकिब अल हसनले ४ ओभर मेडन राख्दै २७ रन खर्चिएर ३ विकेट लिए ।

फलाे अनमा ब्याटिङ गर्दा बंगलादेशी बलरहरु नै वेस्ट इन्डिजका ब्याट्सम्यानमाथि हावी भएका थिए । मेहदी हसनले ५ विकेट लिँदा तजुल इस्लामले ३ तथा शकिब अल हसन र नइम हसनले एक एक विकेट लिए । वेस्टइन्डिजका शिमरोन हेत्मेयरले सर्वाधिक ९३ रन बनाउँदा केमार रोचले दोस्रो ठूलो रन ३७ मा नट आउट रहे ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्