युराे २०२० काे तालिका सार्वजनिक: हेर्नुहाेस् कुन समूहमा काे काे परे?

मंसिर १६, २०७५ आइतबार २०:१०:१० | उज्यालो सहकर्मी

युरोपेली फुटबल महासंघ यूईएफएले सन् २०२० मा हुने युरो कप छनोट प्रतियोगिताको ड्र सार्वजनिक गरेको छ ।

सार्वजनिक ड्र अनुसार डिफेन्डिङ च्याम्पियन पोर्चुगल समूह बी मा परेको छ । समूह बी मा पोर्चुगलसँगै युक्रेन, सर्विया, लिथुअानिया र लग्जेम्बर्ग छन् ।

तीन पटकको च्याम्पियन जर्मनी भने समूह सी मा छ । यस समूहमा नेदरल्याण्ड्स, उत्तरी आयरल्याण्ड, इस्टोनिया र बेलारुस छन् ।

तीन पटक उपाधि जितिसकेको अर्को टिम स्पेन भने समूह एफ मा छ । यस समूहमा स्वीडेन, नर्वे, रोमानिया, फारो आइल्याण्ड्स, र माल्टा छन् ।

विश्व विजेता फ्रान्स रहेको समूह एच मा आइसल्याण्ड, टर्की, अल्बानिया, मल्डोभा र एन्डोरा छन् । समूह ए मा इंग्ल्याण्ड, चेक गणतन्त्र, बुल्गेरिया, मन्टेनेग्रो र कोसोभो छन् ।

समूह डी मा स्वीट्जरल्याण्ड, डेनमार्क, आयरल्याण्ड गणतन्त्र, जर्जिया र जिब्राल्टर छन् ।
समूह ई मा विश्वकपको उपविजेता क्रोएसिया, वेल्स, स्लोभाकिया, हंगेरी र अजरबैजान छन् । यस्तै समूह जी मा पोल्याण्ड, अष्ट्रिया, इजरायल, स्लोभेनिया, मेसेडोनिया र लाट्भिया छन् ।

समूह आई मा बेल्जियम, रसिया, स्कटल्याण्ड, साइप्रस, कजाख्स्तान र सान मारिनो परेका छन् । समूह जे मा इटाली, बोस्निया–हर्जगोविना, फिनल्याण्ड, ग्रिस, अर्मेनिया र लिचेन्स्टाइन छन् ।

छनोट प्रतियोगिता २०१९ को मार्च र नोभेम्बर महिनामा हुनेछ । प्रत्येक समूहका विजेता र उपविजेताले सिधै युरोकपमा स्थान बनाउनेछन् ।

यो संस्करणदेखि युरोपका विभिन्न देशमा आयोजना हुने युरोकपको सेमिफाइनल र फाइनल भने लण्डनकाे वेम्ब्ली रंगशालामा हुनेछ

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्