पुलिसलाई २–१ ले हराउँदै संकटा लिग तालिकाकाे दाेस्राे स्थानमा उक्लियाे

मंसिर १८, २०७५ मंगलबार १६:३६:५५ | उज्यालो सहकर्मी

शहीद स्मारक ए डिभिजन लिग फुटबलमा संकटा क्लब दोस्रो स्थानमा उक्लिएको छ । मंगलबार भएको खेलमा नेपाल पुलिसलाई २–१ गोल अन्तरले पराजित गर्दै तालिकाको दोस्रो स्थानमा आएको हो ।

पहिलो हाफमै संकटाले २ गोल गर्दा पुलिसले १ गोल गरेको थियो । दोस्रो हाफमा थप गोल नभएपछि संकटा २–१ गोल अन्तरले विजयी हुन सफल भयो । ६ मध्ये ५ खेल जित्दै १५ अंक पुर्याएको संकटा भन्दा १ खेल कम खेले पनि मनाङ गोल अन्तरका आधारमा शीर्ष स्थानमा छ ।

पहिलो हाफको छैटौं मिनेटमा पुलिसका भोला सिलवालले गरेको प्रहार संकटाका किपर राजाबाबु थापाले बचाएका थिए । २०औं मिनेटमा अभिषेक रिजालको प्रयास पनि संकटाले विफल पारेको थियो । तर २९ औं मिनेटमा संकटाका सरोज दाहालले हेडर गोल गर्दै सुरुआती अग्रता दिलाएका थिए ।

१ गोलले पछि परेको पुलिसमाथि ३१औं मिनेटमा नोर्वेक केड्रिकको प्रहार बाहिरिएको थियो ।

इलियन म्याक्सवेलको पासमा दीपेस आले मगरले गोल गर्दै संकटालाई २–० को अवस्थामा पुर्याए । २–० ले पछि परेको पुलिसले ३९ औं मिनेटमा १ गोल फर्काएको थियो । रविशंकर पासवानले गोल गर्दैै संकटासँगको पुलिसको दूरी २–१ मा झारेका थिए । दोस्रो हाफमा दुवै पक्षबाट थप गोल नभए पछि संकटा २–१ गोल अन्तरले विजयी हुन सफल भयो ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्