एभरेष्ट प्रिमियर लिगमा चितवनको दोस्रो हार, काठमाडौं ६ विकेटले विजयी

मंसिर २४, २०७५ सोमबार १३:४:१६ | उज्यालो सहकर्मी

एभरेष्ट प्रिमियर लिगमा चितवनले लगातार दोस्रो हार ब्यहोरेको छ । सोमबार भएको खेलमा काठमाडौं किङ्सले चितवन टाइगर्सलाई ६ विकेटले पराजित गरेको छ ।

कीर्तिपुर क्रिकेट मैदानमा टस हारेर ब्याटिङको निम्तो पाएको चितवन १९ ओभरमा एक सय ६० रनमा अलआउट भयो । पहिलो विकेटका लागि ५३ रनको साझेदारी गरेको चितवनका लागि पउल स्ट्रलिङले ३४ रन बनाए । चितवनको स्कोर ६९ रन हुँदा तेस्रो विकेट झर्यो । सन्दिप सुनार २५ रनमा सागर पुनले आउट गरे । चौथो विकेटका लागि जर्ज स्कट र दिपेन्द्र ऐरी विच ४० रनको साझेदारी गरेका थिए चितवनका लागि दिपेन्द्र एेरीले ४५ रन बनाए ।

पुछारका खेलाडी एकपछि अर्को रुपमा आउट भएपछि चितवन पुरै ओभर नखेल्दै अलआउट भयो । उसले पछिल्लो ६ विकेट मात्र ५१ रन जोड्दा गुमायो । चितवनका लागि कप्तान पृथु बास्कोटाले अविजीत २० रन बनाए । बलिङतर्फ प्रदिप साहुले दुई तथा संसद शेखले दुई तथा सागर पुन र केभिन ओब्राइनले एक–एक विकेट लिए ।

जवाफमा काठमाडौंले १८ ओभर चार बलमा चार विकेट गुमाउदै लक्ष्य पुरा गर्यो । काठमाडौंले ५३ रन बनाउदा दुई विकेट खेर फाल्यो । ओपनर अमित श्रेष्ठले १८ रन बनाए भने केभिन ओब्राइन ३९ रनमा पेभेलियन फर्किए ।

यस्तै सागर पुनले ३९ रन बनाउदा भारतीय खेलाडी आनन्द सुब्रमन्नियमले आक्रामक ब्याटिङ गर्दै ४३ रन बनाए । उनले १७ बलमा एक चौका र चार छक्का प्रहार गरे । यस्तै अमरसिंह रौटेलाले २१ रन बनाए । पाँचौ विकेटका लागि रौटेला र आनन्दले ४८ रनको साझेदारी गरेका थिए । बलिङतर्फ चितवनका साहव आलमले दुई विकेट लिए ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्