बार्सिलोना छोडेर इटालियन क्लबमा आबद्ध हुन मेस्सीलाई राेनाल्डाेकाे चुनाैती

मंसिर २५, २०७५ मंगलबार ७:२७:५४ | उज्यालो सहकर्मी

युभेन्टसका फरवार्ड क्रिष्टियानो रोनाल्डोले लियोनल मेस्सीलाई बार्सिलोना छोडेर कुनै एक इटालियन क्लबमा आबद्ध हुन चुनौती दिएका छन् ।

पोर्चुगिज स्टार रोनाल्डो र मेस्सीलाई विश्वका उत्कृष्ट खेलाडी भनिँदै आएको छ । दुबै खेलाडीले पाँच–पाँच पटक ब्यालुन डिओरको उपाधि जितेका छन् । ‘मेस्सी कुनै दिन इटाली आएको हेर्न चाहन्छु,’ ३३ वर्षे रोनाल्डोले भने । ‘मैले जस्तै चुनातीलाई स्वीकार गर्छन् भन्ने आशा छ, तर त्यहीँ खुसी छन् भने त्यसको सम्मान पनि गर्छु ।’

सन् २००९ मा म्यान्चेष्टरबाट स्पेन आएका रोनाल्डोले नौ सिजन रियल मड्रिडमा बिताए । तर मेस्सीले भने आफ्नो पूरै करियर बार्सिलोनामा विताएका छन् । इटालियन मिडियासँगको अन्तरवार्तामा मेस्सीको ‘मिस’ गर्छौ भन्ने प्रश्नमा रोनाल्डोले भने, ‘गर्दिन, उसले मलाई ‘मिस’ गर्छ होला ।’

‘मैले इंग्ल्याण्ड, स्पेन, इटाली, पोर्चुगल र राष्ट्रका लागि खेलेँ, तर उ त स्पेनमै छ ।’ ‘उसलाई मेरो आवस्यकता छ । मेरो लागि जिन्दगी चुनौती हो । र मलाई यो मन पर्छ ।’ ‘उ निकै उत्कृष्ट खेलाडी र राम्रो मान्छे पनि हो ।’

‘मैले मेरो आरामदायी स्थानलाई छोडेर टुरिनको चुनौती स्वीकार गरेर आएँ । सबै कुरा राम्रो छ, मैले आफूलाई अद्भूत खेलाडीको रुपमा प्रमाणित गरिसकेको छु ।’

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्