र्इपीएल: भैरहवा ग्लाडियटर्सकाे लगातार दाेस्राे जित, चितवन टाइगर्सलाई १२ रनले जित्याे

मंसिर २५, २०७५ मंगलबार १७:१४:२३ | उज्यालो सहकर्मी

काठमाडाैं - एभरेष्ट प्रिमियर लिग अन्तर्गत भैरहवा ग्लाडियटर्सले चितवन टाइगर्सलाई १२ रनले पराजित गरेकाे छ ।

प्रतियोगितामा चितवनको याे लगातार तेस्रो हार हो भने भैरहवाको दोस्रो जित हो ।

कीर्तिपुर क्रिकेट मैदानमा टस हारेर ब्याटिङको निम्तो पाएको भैरहवाले १९ ओभर तीन बलमा एक सय ४३ बनायो । पहिलो विकेटका लागि ३५ रनको साझेदारी गरेको भैरहवाको स्कोर ८० रन हुँदा तेस्रो विकेट गयो ।

पोखराविरुद्ध शतक प्रहार गरेका रवि इन्दर सिंह २५ रनमा आउट भए । त्यसको लगत्तै कप्तान शरद भेषावकर पनि एक रनमा रनआउट भएपछि भैरहवाले चौथो विकेट गुमायो ।

उसका लागि रायनले ३५ रन बनाए भने आरिफ शेखले १८ तथा पुनित मेहराले १२ रन जोडे । बलिङतर्फ सागर ढकालले तीन तथा जर्ज स्कटले दुई विकेट लिए ।

जवाफमा चितवनले २० ओभरमा नौ विकेट गुमाउँदै एक सय ३१ रनमात्र बनाउन सक्यो । ४९ रनमा पहिलो विकेट गुमाएको चितवनले ६४ रन बनाउँदा तेस्रो विकेट खेर फाल्यो ।

उसका पल स्टर्लिङले ३८ रन बनाए भने कप्तान पृथु बास्कोटा तीन रनमा आउट हुन पुगे । यस्तै दिपेन्द्र ऐरी पनि तीन रनमा पेभेलियन फर्किए भने जर्ज सिम्पसन २६ रनमा आउट भए ।

टिमका लागि अरु खेलाडीमा दिलीप नाथ १२ र जर्ज स्कट २ रनमा आउट भए । एकपछि अर्को विकेट गुमाएको चितवन अन्ततः एक सय २६ रनमा रोकियो ।

बलिङ तर्फ रवीइन्दर सिंह र शरद भेषवाकरले दुई दुई विकेट लिए ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्