ए डिभिजन लिग : मनाङ र अार्मीको खेल अाज

मंसिर २८, २०७५ शुक्रबार ७:२४:४६ | उज्यालो सहकर्मी

पल्सर शहीद स्मारक ए डिभिजन लिगमा नहारेका सिग्नेचर मनाङ मर्स्याङ्दी क्लब र विभागीय टिम त्रिभुवन आर्मी क्लब शुक्रबार आमने–सामने हुँदैछन् ।

याे खेल एन्फा मैदान सातदोबाटोमा दिउँसो साढे २ बजे हुने छ । त्यसअघि ११ बजे विभागीय क्लब नेपाल पुलिस क्लब र फ्रेण्ड्स क्लबले खेल्ने छन् । पहिलो खेलको नतिजाले ए डिभिजन लिगको उपाधि होडमा त्यति असर नपारे पनि दोस्रो खेलको नतिजाले भने निकै प्रभाव पार्ने देखिन्छ ।

असोज १३ गतेदेखि सुरु भएको ए डिभिजन लिगमा अहिले आठौं चरणको खेल जारी छ । आठौं चरणसम्म आइपुग्दा मनाङ र आर्मी अहिलेसम्म हारेका छैनन् । मनाङले सतप्रतिशत नतिजा निकाल्दै सात खेलबाट २१ अंक बनाउँदा आर्मीले भने २ खेलमा बराबरी गर्दा ५ खेल जित्दै १७ अंक जोडेको छ ।

आर्मीलाई २ खेलको बराबरी नै अहिलेसम्म महँगो परेको छ । आर्मीले लिगको उद्घाटन खेलमा न्यूरोड टिम एनआरटीसँग २–२ गोलको बराबरी खेलेको थियो भने कमजोर फ्रेण्ड्ससँग गोल रहित बराबरी गरेको थियो ।

त्यसबाहेक आर्मीले च्यासल र पुलिस माथि १–० को जित निकाल्दा जारी लिगको अर्को उत्कृष्ट क्लब संकटामाथि ५–१ गाेलकाे भारी जित हात पारेकाे थियाे । जुन जारी लिगकै फराकिलो अन्तरकाे जित हाे । यसैगरी हिमालयन शेर्पाविरुद्ध २–१ को जित निकालेको थियो ।

यस्तै मनाङले पहिलो खेलमा व्रिगेड ब्वाईजमाथि ३–१ को जित निकाल्दा एनाआरटी माथि २–० को जित निकालेको थियो । उपाधिको दावेदार मानिएको थ्रीस्टारविरुद्ध २–१ को जित निकालेको मनाङले सशस्त्रको एपीएफमाथि पनि २–१ कै नतिजा निकाल्न सफल भएको थियो । सरस्वती युवा क्लबलाई २–० ले पराजित गरेको मनाङले जवलाखेल र मछिन्द्रमाथि भने १–० को कठिन जित निकालेको थियो ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्