ए डिभिजन लिग : मनाङ मर्स्याङ्दीको लगातार आठौँ जित, अार्मी १-० ले पराजित

मंसिर २८, २०७५ शुक्रबार १७:१७:५४ | उज्यालो सहकर्मी

काठमाडौं – शहीद स्मारक ए डिभिजन लिगमा मनाङ मर्स्याङ्दी क्लबले लगातार आठौं जित निकालेको छ ।

आर्मीविरुद्ध एक–शून्यको जित निकालेसँगै मनाङ लिगमा एक खेल पनि नहार्ने एक्लो टिम बनेको छ ।

सातदोबाटोमा रहेको एन्फा मैदानमा भएको स्टार भिडन्तको खेलमा मनाङको जितमा विशाल राईको एकमात्र गोल निर्णायक बन्यो । खेलको २६ औँ मिनेटमा आर्मीका नवयुग श्रेष्ठको प्रहारलाई मनाङका गोलकिपर विशाल श्रेष्ठले बचाए ।

निकै प्रतिस्पर्धात्मक बनेको खेलको ३१ औँ मिनेटमा मनाङले अग्रता बनायो । उसका लागि विशाल राईले गोल गरे । आफ्नो उत्कृष्ट टिमलाई उतारेको आर्मीले ३९ औँ मिनेटमा अर्को मौका पाएको थियो । तर सफल भएन । त्यसको दुई मिनेटपछि आर्मीका भरत खवासको प्रहारलाई मनाङका गोलकिपर विशालले नै बचाए । खेलको पहिलो हाफको इन्जुरी समयको तेस्रो मिनेटमा आर्मीका जर्ज प्रिन्स कार्कीको प्रहारलाई फेरि एकपटक विशालले बचाए ।

पहिलो हाफमा एक गोलले पछि परेको आर्मीका जर्ज प्रिन्स कार्कीको प्रहारलाई गोलकिपर विशालले नै बचाए । तीन जना स्ट्राइकरलाई मैदानमा उतारहेको आर्मीविरुद्ध ७६ औँ मिनेटमा मनाङका भिक्टरको प्रहार पोलमा लागेर फर्किन पुग्यो । त्यसपछि आर्मी खेलमा फर्कन सकेन र मनाङले लगातार आठौँ जित दर्ता गर्यो ।

यो जितले मनाङले अंक तालिकामा दोस्रो स्थानको संकटासँग तीन अंकको अग्रता कायमै राखेको छ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्