ईपीएल : चितवन टाइगर्सले पोखरा राइनोजलाई ७ विकेटले हरायो

मंसिर २९, २०७५ शनिबार १६:५२:४८ | उज्यालो सहकर्मी

काठमाडौं – एभरेष्ट प्रिमियर लिग ईपीएलमा चितवन टाइगर्सले दोस्रो जित हात पारेको छ ।

पोखरा राइनोजमाथि ७ विकेटको जित निकालको चितवनको प्लेअफमा पुग्ने सम्भवाना जीवितै छ । पोखराले दिएको १३० रनको लक्ष्य चितवनले १९औँ ओभरमा ३ विकेटको नोक्सानीमा पूरा गरेको हो । चितवनको जितमा पल स्टर्लिङले ५५ रन बनाउँदा दीपेन्द्रसिंह ऐरीले ५४ रन बनाएका थिए । टस हारेर पहिला ब्याटिङ गरेको पोखराले निर्धारित ओभरमा ५ विकेट गुमाएर १२९ रन बनाएको हो ।

करियरको अन्तिम खेल खेलिरहेका शक्ति गौचनको नेतृत्वमा रहेको पोखरा आजको खेलमा मध्यम सुरुवात गरेको थियो । पहिलो विकेट २९ रनमा गुमाएको पोखराका लागि केयल कोट्जरले २३ रन बनाए ।

अर्का ओपनर विनोद भण्डारी र सुनिल धमलाले पोखराको स्कोर ७७ रनमा पुर्याउँदा भण्डारी २५ रनमा पेभेलियन फर्किए । ७७ रनकै स्कोरमा पल कलिन शून्य रनमै आउट भए । त्यसपछि सुनिल धमला र राजेश पुलामीले पोखराको इनिङ अगाडि बढाएका थिए । टिमको स्कोर ११४ रन हुँदा राजेश पुलामी चौथो विकेटको रुपमा १२ रनमा आउट भएका थिए ।

सुनिल र सन्नी भिमसरियाले पोखराको स्कोर १२६ रन बनाउँदा सुनिल ५१ रनमा पेभेलियन फर्किएका थिए । सन्नी र कप्तान शक्ति गौचनले स्कोर बोर्डमा ३ रन थपेपछि निर्धारित ओभरको खेल सकिएको थियो । सन्नी ४ तथा कप्तान गौचन १ रनमा नट आउट रहे ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्