इन्ज्युरी समयमा इरिक्सनको गाेल, टोटनह्यामलाई तीन अंक

पुष १, २०७५ आइतबार ८:१९:७ | उज्यालो सहकर्मी

इंग्लिस प्रिमियर लिग अन्तर्गत शनिबार राति भएको खेलमा बर्नलेलाई हराउँदै टोटनह्यामले तेस्रो स्थानको पकड बलियो बनाएको छ ।

घरेलु मैदान ह्वाइट हार्ट लेनमा भएको खेलमा क्रिष्टियन इरिक्सनले इन्ज्युरी समयमा गोल गरेपछि टोटनह्याम तीन अंक खोस्न सफल भयो । नियमित ९० मिनेटमा गोल गर्न नसकेपछि टोटनह्याम अंक बाँढ्ने संघारमा पुगेका बेला ह्यारी केनको पासमा इरिक्सनले गोल गर्दै टोटनह्यामलाई जित दिलाए ।

जितसँगै टोटनह्याम तालिकामा ३९ अंक जोड्दै तेस्राे स्थान कायम छ । उसले चौथो स्थानको चेल्सीलाई पाँच अंकले पछि छोडेको छ । यद्यपी चेल्सीले एक खेल कम खेलेको छ । शीर्ष स्थानको म्यानचेस्टर सिटीको ४४ अंक हुँदा लिभरपुलको भने ४२ अंक छ ।

प्रिमियर लिग अन्तर्गत शनिबार राति भएका अन्य खेलमा क्रिष्टल प्यालेसले लेस्टर सिटीलाई १–० ले हरायो भने न्यू क्यासल युनाइटेडले हार्ड्सफिल्ड टाउनलाई १–० ले नै पराजित गर्‍याे । वाट्फोर्डले कार्डिफमाथि ३–२ को जित दर्ता गर्दा उल्भरह्याम्टनले बर्नमाउथलाई २–० ले पराजित गर्‍याे ।

तालिकाको पुछारमा रहेको फुलह्याम भने वेष्टह्याम युनाइटेडसँग २–० ले पराजित भयाे ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्