ला लिगा : एट्लेटिको र रियल मड्रिडकाे जित

पुष १, २०७५ आइतबार ८:३७:१८ | उज्यालो सहकर्मी

स्पेनिस ला लिगामा मड्रिडका दुबै क्लब एट्लेटिको मड्रिड र रियल मड्रिड विजयी भएका छन् ।

एट्लेटिको मड्रिडले रियल भालाडोलिडलाई ३–२ गोलले हराउँदा रियल मड्रिडले भने रायो भालेकानोलाई १–० ले पराजित गर्‍याे । भालाडोलिडको मैदानमा भएको खेलमा एट्लेटिकोलाई जित दिलाउनका लागि एन्ट्वान ग्रिजम्यानले दुई गोल गरे ।

खेलको २६औं मिनेटमा निकोला कालिनिचले गोल गर्दै एट्लेटिकोलाई अग्रता दिलाएका थिए । खेलको ४५औं मिनेटमा किको ओलिभासले डिबक्स भित्र ह्यान्ड गरेपछि एट्लेटिकोले पेनाल्टी पाएको थियो । सो पेनाल्टीलाई एन्ट्वान ग्रिजम्यानले गोलमा परिणत गर्दै पहिलो हाफ अघि एट्लेटिकोलाई २–० को अग्रता दिलाए ।

५७औं मिनेटमा फर्नाण्डो कालेरोले गोलको गर्दै एट्लेटिको मड्रिडको अग्रता २–१ मा छोट्याए । ६३औं मिनेटमा एट्लेटिकोका सउलले आत्मघाती गोल गरेपछि खेल २–२ गोलको बराबरीमा पुग्यो । सउलले गोल लाइनमा बल क्लीयर गर्न खोज्दा आफ्नै पोस्टमा गोल गरेका थिए ।

८०औं मिनेटमा ग्रिजम्यानले गोल गर्दै एट्लेटिकोलाई पुनः अग्रता दिलाए । डि–एरियामा स्टेफन साभिचले मिलाइदिएको बललाई ग्रिजम्यानले गोलमा परिणत गरेका थिए । जीतसँग एट्लेटिकोले शीर्ष स्थानको बार्सिलोनासँग अंक बराबरी गरेको छ । एक खेल कम खेलेको बार्सिलोनाको ३१ अंक छ ।

रियल मड्रिडले रायो भोलेकानोलाई १–० ले हराउँदा करिम बेन्जेमाको गोल निर्णायक बन्यो । १३औं मिनेटमा लुकास भाज्क्वेजको पासमा बेन्जेमाले गोल गरेका थिए । रेलिगेसन जोनमा रहेको भालेकानो खेलमा फर्किन नसक्दा रियल विजयी भयो । जीतसँगै रियलले २९ अंक बनाएको छ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्