आईपीएल २०१९ मा ८ करोड ४० लाखमा बिक्री भएका चक्रवर्ती को हुन् ?

पुष ३, २०७५ मंगलबार २०:२०:४० | उज्यालो सहकर्मी

इन्डियन प्रिमियर लिग क्रिकेट (आईपीएल)को अक्सनमा २ जना खेलाडी सर्वाधिक महंगो मूल्यमा बिक्री भएका छन् ।

दुवै जना भारतीय क्रिकेटर हुन् । राजस्थान रोयल्सले जयदेव उनादकटलाई सर्वाधिक रकम तिरेको छ । गएको संस्करणमा सर्वाधिक विकेट लिने खेलाडीको सूचीमा २९ औँ स्थानमा रहेका थिए । उनले प्रतियोगिताभर ११ विकेट लिएका थिए । उनादकटको न्यूनतम मूल्य १ करोड ५० लाख रहेकोमा अक्सनमा सबैले बोली लगाएपछि राजस्थानले ८ करोड ४०लाख खर्चिएर किनेको हो ।

उनादकटलाई सन् २०१७ को आईपीएलको अक्सनमा ११ करोड ५० लाखमा राजस्थानले नै किनेको थियो ।

यसैगरी किंग्स इलाभेन पञ्जाबले वरुण चक्रवर्तीलाई पनि ८ करोड ४० लाख खर्च गरेको छ । अनक्याप्ड खेलाडी चक्रवर्तीको न्यूनतम मूल्य २० लाख राखिएकोमा उनीमाथि पनि सबैले बोली लगाएका थिए । सुरुमा दिल्ली र चेन्नईले उनलाई किन्न खोजेका थिए । त्यसपछि कोलकाता र पञ्जाबले पनि लिलामीको रेसलाई दौडाएका थिए । जसमा पञ्जाबले ८ करोड ४० लाखमा किन्न सफल भयो । उनले भारतीय टिमबाट अन्तर्राष्ट्रिय प्रतियोगिता खेल्न पाएका छैनन् ।

तर उनले घरेलु प्रतियोगितामा तमिलनाडुका लागि धेरै पटक चामत्कारिक प्रदर्शन गरेका छन् । तमिलनाडु प्रिमियर लिग खेलेका उनले धरै ठूला ठूला ब्याट्सम्यानलाई पेभेलियनको बाटो देखाएका थिए । तमिलनाडु लिगपछि विजय हजारे ट्रफीमा उनले ९ खेलमा २२ विकेट लिएर सनसनी मच्चाएका थिए । समूह चरणमा उनी सर्वाधिक विकेट लिने खेलाडी बनेका थिए ।

अचम्मको कुरा के छ भने १३ वर्षको उमेरमा क्रिकेट करियर सुरु गरेका वरुण सुरुमा विकेटकिपर ब्याट्सम्यान थिए । यसैगरी उनले चेन्नईको एसआरएम विश्वविद्यालयबाट आर्किटेक्चर इञ्जिनियरिङमा स्नातक पास गरेका छन् । पढाई पूरा गरेपछि उनले ‘फ्रील्यान्सर’ भएर काम पनि गरे तर उनीमा क्रिकेटको मोह भंग भएन । क्रिकेटको क्रेज बढी देखेपछि उनी जागिर छाडेर यता आएका हुन् । सुरुमा फास्ट बलर बनेका वरुण चोट लागेपछि स्पिनर बने । त्यसपछि चेन्नई लिगमा जुबली क्रिकेट क्लबबाट खेले । त्यसमा उनले ७ खेलमा ३१ विकेट लिए भने ब्याटिङतर्फ शानदार हाफ सेन्चुरी बनाएका थिए ।

यसैगरी पञ्जाबले शाम कुरानलाई ७ करोड २० लाखमा किनेको छ । इंग्ल्याण्डका कुरानको न्यूनतम मूल्य २ करोड तोकिएकोमा पञ्जाबले दोस्रो ठूलो रकम खर्च गरेको हो ।

दिल्ली क्यापिटल्सले कोलिन इन्ग्रामलाई ६ करोड ४० लाख खर्च गर्दा कोलकाताले कार्लोस ब्रेथ्वेटलाई ५ करोड खर्च गरेको छ ।

यसैगरी पाँच करोड मूल्यमा दिल्लीले अक्षर पटेल, चेन्नईले मोहित शर्मा र बेंग्लोरले शिवम दुवेलाई पनि किनेका छन् ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्