रिभर प्लेटलाई हराउँदै युएईको क्लब अल ऐन फिफा क्लब विश्वकपको फाइनलमा

पुष ४, २०७५ बुधबार ९:२२:३८ | उज्यालो सहकर्मी

दक्षिण अमेरिकी च्याम्पियन रिभर प्लेटलाई हराउँदै युएईको क्लब अल ऐन फिफा क्लब विश्वकपको फाइनलमा पुगेको छ ।

आयोजकको देशको लिग च्याम्पियन नाताले क्लब विश्वकपमा स्थान बनाउन सफल अल ऐनले दक्षिण अमेरिकी च्याम्पियनलाई पेनाल्टी सुटआउटमा पराजित गर्‍याे ।

घरेलु मैदान हज्जा विन जायद स्टेडियममा भएको खेलको नियमित समय भने दुई–दुई गोलको बराबरीमा सकिएको थियो । तेस्रो मिनेटमा नै मार्कस बर्गले गोल गर्दै अल ऐनलाई अग्रता दिलाए । तर, ११औं मिनेटमा नै राफेल बोर्रेले रिभरका लागि गोल गर्दै खेल बराबरीमा पुर्‍याए ।

त्यसको पाँच मिनेटभित्रै बोर्रेले ब्यक्तिगत दोस्रो गोल गरेपछि १६औं मिनेटमा रिभर प्लेटले अग्रता उल्टाएको थियो । जुन अग्रता पहिलो हाफसम्म कायम राख्यो । तर ५१औं मिनेटमा काइयो फर्नाण्डेजले गोल गरेपछि खेल बराबरी भयो ।

त्यसपछिको समय र अतिरिक्त समयमा पनि गोल हुन नसकेपछि खेल पेनाल्टीमा पुगेको थियो । पेनाल्टीमा इन्जो पेरेजको प्रहार अल ऐनका गोलकिपर इन्जो पेरेजले रोकेपछि घरेलु टिमले रिभरप्लेटलाई स्तब्ध बनायो ।

अब अल ऐनले एसियाली च्याम्पियन जापानको काशिमा एन्टलर्स र युरोपेली च्याम्पियन रियल मड्रिडवीचको विजेतासँग प्रतिष्पर्धा गर्दैछ । यो खेल आज साँझ हुनेछ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्