ती पाँच छक्का जसले शिवमलाई करोडपति बनायो

पुष ४, २०७५ बुधबार १४:२९:६ | उज्यालो सहकर्मी

इन्डियन प्रिमियर लिग (आईपीएल) को १२ औँ संस्करणमा नयाँ खेलाडी पुराना खेलाडीमाथि हावी देखिएका छन् । २५ वर्षीय शिवम दुबे पनि तीनै खेलाडीमध्ये एक हुन् ।

शिवम दुबेको बेस प्राइस २० लाख भारतीय रुपैयाँ थियो । उनलाई रोयल च्यालेन्जर्स बेंग्लोरले पाँच करोड भारतीय रुपैयाँमा किन्यो । तर आईपीएलका स्टार खेलाडी मानिने युवराज सिंह भने बिकेनन् । उनको बेस प्राइस भने एक करोड भारतीय रुपैयाँ थियो ।

शिवम मुम्बईका हुन्, उनी अलराउण्डर क्रिकेटर हुन् । उनी दाहिने हाते मध्यम गतिका फास्ट बलर हुन् भने उनी बायाँ हाते ब्याट्स्म्यान हुन् ।

मुम्बईका अलराण्डर शिवम दुबेले आईपीएलमा धमाकेदार इन्ट्रीका लागि कुनै टी–२० खेल पर्खेनन् । मात्र एक ओभरले उनलाई पूरा भारतभर चर्चामा ल्यायो ।

आईपीएल अक्सनको ठिक एक दिनअघि बडौदाविरुद्ध उनी रणजी ट्रफीको खेल खेलिरहेका थिए । उनले एकै ओभरमा स्वप्निल सिंहको बलमा लगातार पाँच छक्का हाने । उनले रणजी ट्रफीमा रवि शास्त्रीको ६ छक्काको रेकर्ड त बराबरी बनाउन सकेनन् तर पनि आईपीएलको अक्सनमा भने तहल्का मच्चाउन सफल भए ।

उनले मुम्बईका लागि ६० बलमा तीन चौका र सात छक्काको सहयोगले ७६ रन बनाएका थिए ।

शिवम विद्यालयमा पढ्ने बेलादेखि नै क्रिकेट खेल्थे । मुम्बई य–२३ टिमबाट पनि उनले उत्कृष्ट क्रिकेट खेले । २०१८ मा त उनी मुम्बईका लागि महत्वपूर्ण खेलाडी नै सावित भए ।

यही समयमा शिवमले आफ्नो बलिङमा पनि निकै सुधार गरे । विजय हजारे ट्रफीमा पनि मुम्बईको जितका लागि उनको भूमिका महत्वपूर्ण रह्यो । मुम्बई टी–२० लिगमा प्रविण ताम्बेको एक ओभरमा उनले ६ वटा छक्का प्रहार गरेका थिए । त्यही पारि उनले रणजी ट्रफीमा बडौदाविरुद्ध स्वप्निल सिंहको ओभरमा दोहोर्‍याए ।

त्यही पाँच बलले नै शिवम दुबेमाथि आईपीएलका सबै फ्रेन्चाइजको नजरमा परेका थिए ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्