टोटनह्यामसँग हार्‍याे आर्सनल, बर्नमाउथलाई हराउँदै चेल्सी सेमिफाइनलमा

पुष ५, २०७५ बिहीबार ७:८:१ | उज्यालो सहकर्मी

इंग्लिस फुटबल प्रतियोगिता लिग कपको सेमिफाइनलमा चेल्सी र टोटनह्याम तथा म्यानचेस्टर सिटी र र्बुटोन अल्बियोनबीच प्रतिस्पर्धा हुनेछ । बुधबार राति भएको खेलमा चेल्सीले बर्नमाउथलाई हरायो भने आर्सनल टोटनह्यामसँग स्तब्ध बन्यो ।

रोमाञ्चक बनेको खेलमा आर्सनल टोटनह्यामसँग दुई शून्यले स्तब्ध बन्यो । खेलको २० औं मिनेटमा कोरीयन खेलाडी सङ हिउङ मिङले टोटनह्यामका लागि पहिलो गोल गरे । जुन गोलका कारण उसले पहिलो हाफमा एक गोलको अग्रता बनायो ।

त्यसपछि ५९ औं मिनेटमा डेली एलीले टिमको अग्रता दुई शून्यमा पुर्‍याए । त्यसपछि आर्सनलले पाएका मौकाको सदुपयोग गर्न सकेन र टोटनह्यामले सेमिफाइनलमा स्थान बनायो । उसले सेमिफाइनलमा चेल्सीसँग खेल्नेछ ।

बुधबार राति नै भएको खेलमा चेल्सीले बर्नमाउथलाई एक शून्यले हराउदै अन्तिम चारमा स्थान बनायो । चेल्सीको जितमा एकमात्र गोल इडेन हाजार्डले गरे । जसक कारण उसले सेमिफाइनलमा स्थान पक्का गर्‍याे ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्