ए डिभिजन लिग फुटबल : मनाङलाई अंक दूरी बढाउने माैका

 पुष ८, २०७५ आइतबार ७:४:१३ | उज्यालो सहकर्मी
unn.prixa.net

पल्सर शहीद स्मारक ए डिभिजन लिग फुटबलमा आइतबार दशौं चरणको खेल सकिँदै छ । जस अन्तर्गत आइतबार २ वटा खेल हुँदैछन् । आइतबारका दुवै खेल एन्फा मैदान ललितपुरमा हुने छ । बिहान ११ बजे हुने पहिलो खेलमा दुई विभागीय क्लब एपीएफ र त्रिभुवन आर्मी आमने सामने हुने छन् ।

जारी प्रतियोगितामा आर्मी १८ अंकसहित चौथो स्थानमा रहँदा १३ अंक जोडेको एपीएफ आठौं स्थानमा छ । आजको खेलमा आर्मी विजयी भए तेस्रो स्थानको थ्रीस्टारसँगको अंक दूरी १ मा झार्ने छ भने एपीएफ विजयी भए आर्मीभन्दा २ अंक कम हुँदै पाचौं स्थानमा पुग्ने छ । 

आइतबार नै हुने दोस्रो खेलमा लिग लिडर सिंग्नेचर मनाङ मर्स्याङ्दी र विभागीय क्लब नेपाल पुलिस आमने सामने हुने छन् । 

शीर्ष स्थानमा रहेको मनाङ नवौं चरणसम्म अपराजित रहँदै २७ अंक जोडेको छ । पुलिस १५ अंक जोड्दै पाँचौ स्थानमा छ । आजको खेलमा मनाङ विजयी भए दोस्रो स्थानको संकटासँग ५ अंकको अग्रता बनाउने छ । पुलिस विजयी हुँदा १८ अंक पुर्‍याउने छ ।
 

अन्तिम अपडेट: कात्तिक १९, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया