ए डिभिजन लिग: ब्रिगेड ब्वाइजलाई ४–१ ले हराउँदै शेर्पा अंकतालिकाकाे पाँचौ स्थानमा

पुष ११, २०७५ बुधबार १३:२३:२८ | उज्यालो सहकर्मी

काठमाडाैं - शहीद स्मारक ए डिभिजन लिग फुटबलमा हिमालयन शेर्पाले ब्रिगेड ब्वाइजमाथि ४–१ को फराकिलो जित निकाल्न सफल भएको छ ।

जितसँगै तालिकामा शेर्पा १७ अंकसहित पाँचौ स्थानमा आएको छ । एन्फा मैदान सातदोबाटो ललितपुरमा बुधबार भएको पहिलो खेलमा पहिलो हाफ भने दुवै टिमले गोल रहित बराबरी खेलेका थिए ।

११औं मिनेटमा हिमालयन शेर्पाका कर्ण लिम्बुको प्रहार ब्रिगेड ब्वाइजका डिफेन्डरले बचाएका थिए ।

त्यसको लगत्तै काउन्टर अट्याकमा ब्रिगेड ब्वाइजले एउटा मौका पाए पनि प्रहार बाहिरिन पुगेपछि पहिलो हाफ गोलरहित बनेको हो ।

दोस्रो हाफमा भने शेर्पा सुरुदेखिनै ब्रिगेड ब्वाइजमाथि हावी देखिएको थियो । ४६औं मिनेटमा शेर्पाका लागि गोहा प्याट्रिक प्रिभेटले नजिकैबाट गोल गर्दै सुरुआती अग्रता दिलाएका थिए । ५४ औं मिनेटमा विशन गुरुङले गोल गर्दै शेर्पाको अग्रता दोब्बर पारेका थिए ।

लगातार २ गोलले पछि परेको ब्रिगेडको डिफेन्डरले गल्ती गर्दा विश्वास श्रेष्ठले शेर्पाका लागि तेस्रो गोल थपेका थिए । ८० औं मिनेटमा पनि विश्वासले व्यक्तिगत दोस्रो तथा टिमका लागि चौथौ गोल गरेका थिए ।

८३औं मिनेटमा पनि विश्वासले गरेको प्रहार विफल भएको थियो । ८७ औं मिनेटमा बर्तमान राईले सान्त्वना गोल फर्काएका थिए ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्