ए डिभिजन लिग: १२ औंं चरणको खेल साेमबारदेखि सुरु हुँदै

पुष १५, २०७५ आइतबार २०:४१:१२ | उज्यालो सहकर्मी

काठमाडाैं - शहीद स्मारक ए डिभिजन लिग फुटबलको १२ औंं चरणको खेल साेमबारदेखि सुरु हुँदै छ ।

११औंं चरणसम्म अपराजित रहँदै मनाङ मर्स्याङ्दी क्लबले उपाधि जितिसकेकाले अब तालिकाको दोस्रो स्थानको भिडन्त खुल्ला भएको छ ।

१२ औंं चरणको तालिका अनुसार साेमबार तीन तथा मंगलबार र बुधबार दुई-दुई खेल हुने छन् । यसअघि साेमबार बिहान ११ बजे हुने भनिएको हिमालयन शेर्पा र मनाङबीचको खेल १८ गते एपीएफ मैदानमा गर्ने गरी तालिका संशोधन गरिएको एन्फाले जनाएको छ ।

एन्फा मैदानमा साेमबार बिहान ११ बजे अब एनआरटी र मछिन्द्र क्लब भिड्ने छन् । मछिन्द्र ६ अंक सहित १२ औं स्थानमा रहँदा एनआरटी ५ अंक सहित पुछारमा छ । एनआरटी विरुद्ध फराकिलो अन्तरले विजयीहुँदा मछिन्द्रले तालिकामा सुधार गर्ने छ । तर एनआरटी विजयी भए १२ औं स्थानमा उक्ल्ने छ ।

भोलिको खेलमा दुवै टिम दोस्रो जितको खोजिमा हुनेछन् । यसैगरी भोलि दिउँसो साढे २ बजे फ्रेण्ड्स र व्रिगेड ब्वाईज भिड्ने छन् । फ्रेण्ड्स ११ औं तथा ब्रिगेड १३औं स्थानमा छ ।

एता एपीएफको मैदान हलचोकमा जावलाखेल युथ क्लब र त्रिभुवन आर्मी आमने सामने हुनेछन् । चौथो स्थानको आर्मी भोलिको खेलमा विजयी भए थ्रीस्टारलाई पछि पार्दै तेस्रो स्थानमा उक्लने छ ।

ए डिभिजन लिगको उपाधि जितिसकेको मनाङले ५० लाख रुपैयाँ पुरस्कार पक्का गरिसकेको छ । दोस्रो हुने टिमले ३५ लाख तथा तेस्रो हुने टिमले २५ लाख रुपैयाँ प्राप्त गर्नेछन् ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्