कार्डिफ सिटीलाई हराउँदै टोटनह्यामले लिभरपुलसँगको दूरी घटायो

पुष १८, २०७५ बुधबार ८:१५:२ | एजेन्सी

इंग्लिस प्रिमियर लिगमा उपाधिको होडमा रहेको टोटनह्यामले कार्डिफ सिटीलाई हराउँदै शीर्ष स्थानको लिभरपुलसँगको दूरी ६ अंकमा झारेको छ ।

मंगलबार राति कार्डिफको घरेलु मैदानमा भएको खेलमा टोटनह्यामको जितमा ह्यारी केन, क्रिस्टियन इरिक्सन र सन हिउङ र मिङले एक–एक गोल गरे । एकतर्फी जस्तो बनेको खेलको तेस्रो मिनेटमा नै टोटनह्यामले केनको गोलमार्फत अग्रता बनाउन सफल भयो ।

शनिबार भएको खेलमा उल्भ्ससँग आश्चर्यजनक हार ब्यहोरेको टोटनह्यामले गएराति भएको उत्कृष्ट खेल खेल्यो ।

१२ औँ मिनेटमा क्रिस्टियन इरिक्सनले टिमलाई दुई–शून्यले अगाडि राखे । त्यसपछि २६ औँ मिनेटमा कोरियन खेलाडी मिङको उत्कृष्ट गोलमा टोटनह्यामले आधा घण्टाभित्र नै तीन–शून्यको अग्रता लिन सफल भयो । पछिल्ला सात खेलमा छैटौँ खेलमा जित निकाल्ने क्रममा टोटनह्यामले दोस्रो हाफमा पनि केही मौका पाएको थियो तर गोल थप्न सकेन ।

जितपछि टोटनह्यामको २१ खेलबाट ४८ अंक भएको छ भने एक खेल कम खेलेको लिभरपुलको ५४ अंक छ । जितपछि टोटनह्यामका प्रशिक्षक माउरिसियो पोचिटीनोले टिमले उपाधि यात्रा कायम राख्न यही फर्मलाई निरन्तरता दिन आवश्यक रहेको बताए ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्