चाैथाे टेष्ट: पुजारा र पन्तको शतकसँगै भारत अष्ट्रेलियाभन्दा ५ सय ९८ रनले अगाडि

पुष २०, २०७५ शुक्रबार १८:१२:२५ | उज्यालो सहकर्मी

चेतेश्वर पुजारा र ऋषभ पन्तको उत्कृष्ट शतकका कारण अष्ट्रेलिया विरूद्दको चौथो तथा अन्तिम टेस्टको दोस्रो दिनको खेल सकिँदा भारत ५ सय ९८ रनले अगाडि रहेको छ ।

दोस्रो दिन ३०३ रनमा ४ विकेटको अवस्थाबाट खेल सुरू गरेको भारतले कुल ६२२/७ को अवस्थामा पारी समाप्तिकाे घाेषणा गर्यो । जसमा पन्तले सानदार ब्याटिङ गर्दै १ सय ८९ बलमा १५ चौका र १ छक्कामा १ सय ५९ मा अविजित रहे ।

रविन्द्र जडेजा र पन्तले ७ औं विकेटका लागि २ सय ४ रनको कीर्तिमानी साझेदारी गरे । जडेजाले ८१ रन बनाए ।

त्यसअघि चेतेश्वर पुजाराले पनि भारतको पारीमा एक सय ९३ रन थपेका थिए । उनी दोहोरो सतक बनाउनबाट मात्र ७ रनले पछि परे । त्यस्तै युवा खेलाडी मायांक अग्रवालले ७७, हनुमा विहारीले ४२ तथा कप्तान विराट कोहलीले २३ रनको योगदान गरेका थिए ।

पहिलो पारीको सुरूवात गरेको अष्ट्रेलियाले दोस्रो दिन २४ रन बनाएको छ । चार टेस्टको श्रृंखलामा भारत २–१ को अग्रतामा छ ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्