बर्नलेको पोस्टमा म्यानचेस्टर सिटीको पाँच गोल

माघ १३, २०७५ आइतबार ७:८:१७ | उज्यालो सहकर्मी

बर्नलेको पोस्टमा पाँच गोल वर्षाउँदै म्यानचेस्टर सिटी इंग्लिस एफए कपको पाँचौं चरणमा पुगेको छ । शनिबार राति भएको खेलमा दोस्रो हाफमा चार गोल गरेपछि सिटीले ५–० को जित निकाल्यो ।

पहिलो हाफको मध्यमा ग्याब्रियल जेससले गोल गर्दै सिटीलाई अग्रता दिलाएका थिए । मातेज भिद्राले एउटा राम्रो मौका गुमाएपछि जेससको सोही गोलको अग्रता सिटीले पहिलो हाफ भरी जोगाउन सक्यो । ५२औं मिनेटमा बर्नार्डो सिल्भाले सिटीका लागि दोस्रो गोल गरे । ६१औं मिनेटमा केभिन डि ब्रुयनले गोल गरेपछि सिटीले अग्रता ३–० मा लम्ब्यायो ।

७३औं मिनेटमा केभिन लंगको आत्मघाती गोल र सर्जियो एग्युरोको पेनाल्टी गोलको कारण सिटीले इथियाड स्टेभिजममा शानदार जित निकाल्यो ।

न्यूक्यासल युनाइटेड भने वाट्फोर्डसँग २–० ले पराजित भएको छ । न्यूक्यासलको मैदानमा भएको खेलमा वाट्फोर्डका लागि एन्द्रे ग्रे र आइज्याक सक्सेसले दोस्रो हाफमा गोल गरेका थिए ।

प्रिमियर लिगको आठौंल स्थानमा रहेको उल्भरह्याम्प्टन भने तेस्रो डिभिजनको १८औं स्थानमा रहेको श्रेसबरी टाउनसँग २–२ गोलको बराबरीमा रोकियो । श्रेसबरीको मैदानमा घरेलु टिमले लिएको दुई गोलको अग्रतामा अन्तिम १५ मिनेटमा दुई गोल गरेपछि उल्भ्स जोगिएको थियो ।

ब्राइटन र वेष्टब्रमबीचको खेल भने गोलरहित बराबरीमा टुंगियो ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्