क्रिष्टल प्यालेससँग टोटनह्याम पराजित

माघ १४, २०७५ सोमबार ७:१९:१४ | उज्यालो सहकर्मी

एफए कपको चौथो चरणमा क्रिष्टल प्यालेससँग पराजित भएपछि टोटनह्याम चार दिनको बीचका दोस्रो नकआउट प्रतियोगिताबाट बाहिरिएको छ ।

टोटनह्याम गएको बिहीबार चेल्सीसँग पेनाल्टी शुटआउटमा पराजित हुँदै लिग कपको सेमिफाइनलबाट बाहिरिएको थियो ।

आइतबारको खेलमा क्रिष्टल प्यालेसविरुद्ध ३५ मिनेटभित्रै २ गोलले पछि परेको टोटनह्याम खेलमा फर्कन सकेन ।

कनर विकह्यामले क्रिष्टल प्यालेसका लागि सन् २०१६ को नोभेम्बरयता पहिलो गोल गर्दा नवौं मिनेटमै टोटनह्याम एक गोलले पछि परेको थियो ।

टोटनह्यामकै पूर्व मिडफिल्डर आन्द्रोस टोनसेन्डले पेनाल्टीमार्फत ३४औं मिनेटमा क्रिष्टलका लागि दोस्रो गोल गरेका थिए ।

पहिलो हाफको अन्त्यतिर टोटनह्यामले पेनाल्टीको अवसर पाएको थियो । तर, केरियन ट्रिपरको प्रहार बाहिरिएपछि टोटनह्यामले गोल अन्तर कम गर्ने अवसर गुमाएको थियो ।

टोटनह्यामले दुई खेलमा तेस्रो पटक पेनाल्टी गुमाएको हो । बिहीबारको खेलमा चेल्सीविरुद्ध लुकास मोउरा र एरिक डायरले पेनाल्टीमा गोल गर्न चुकेका थिए ।
ब्यापक रुपमा परिवर्तित देखिएको टोटनह्याम प्यालेसविरुद्धको खेलमा कमजोर देखियो ।

केही उत्कृष्ट अवसर पाए पनि टोटनह्यामले गोल गर्न सकेन । उसको प्रहारमा प्यालेसका ३९ वर्षीय अर्जेन्टाइन गोलरक्षक जुलियन स्पेरोनी बाधक बने ।

सन् २०१६ पछि एफए कपको अन्तिम १६ मा पुगेको क्रिष्टल प्यालेसका समर्थकले खेल सकिएपछि सानदार ढंगले खुसियाली मनाएका थिए ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्