शीर्ष स्थानको लिभरपुल लेस्टर सिटीसँग बराबरीमा रोकियो

माघ १७, २०७५ बिहीबार ७:१४:२९ | उज्यालो सहकर्मी

इंग्लिस प्रिमियर लिग लिडर लिभरपुलले घरेलु मैदानमा मिड टेवलमा रहेको लेस्टर सिटीसँग एक–एक गोलको बराबरी खेलेको छ ।

दोस्रो स्थानको म्यानचेस्टर सिटीले न्यूकासल युनाइटेडसँग पराजय ब्यहोरेको भोलिपल्ट खेलेको बराबरीले लिभरपुलको उपाधि यात्रामा भने ठूलो धक्का लागेको छैन ।

लिभरपुलका प्रशिक्षक जर्गेन क्लपका अनुसार एनफिल्डको मैदानमा परेको हिउँका कारण खेलको नतिजा निराशाजनक भएको हो । ‘तपाईंहरुले पनि देख्नुभयो कि बल राम्रोसँग गुडेको थिएन ।’ प्रशिक्षक क्लपले भने, ‘८० प्रतिशतसम्म बल पोजिसन राखेर पनि खेल आफ्नो पक्षमा नआउनु भनेको वास्तवमै केही गडबड भएरै हो ।’

साडियो मानेले खेलको तेस्रो मिनेटमै गोल गरी लिभरपुललाई अग्रत दिलाएका थिए । त्यसपछि मैदानमा परेको हिउँका कारण लिभरपुलको पहिचान मानिएको क्वीक पास निकै कठिन भएको थियो । पहिलो हाफको इन्ज्यूरी समयमा ह्यारी मगुरेले बराबरी गोल फर्काए ।

लिभरपुलले दोस्रो स्थानको म्यान्चेस्टर सिटीसँग ५ अंकको अग्रता कायम गरेको छ । २४ खेलबाट लिभरपुलको ६१ अंक भएको छ भने सिटीको ५६ अंक छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्