जिरोनालाई पराजित गर्दै रियल मड्रिड कोपा डेल रेको सेमिफाइनलमा

माघ १८, २०७५ शुक्रबार ७:२३:१३ | उज्यालो सहकर्मी

करिम बेन्जेमाले २ गोल गरेपछि जिरोनालाई समग्रमा ७–३ गोलअन्तरले पराजित गरी रियल मड्रिड स्पेनिस नकआउट प्रतियोगिता कोपा डेल रेको सेमिफाइनलमा प्रवेश गरेको छ ।

घरेलु मैदानमा भएको पहिलो लेग ४–२ गोलअन्तरले जितेको रियलले जिरोनाको घरेलु मैदानमा २७ औं मिनेटमा बेन्जेमाको गोलमार्फत अग्रता बनाएको थियो ।

पहिलो हाफको दुई मिनेटअघि उनले व्यक्तिगत दोस्रो गोल गर्दा रियलले दोहोरो अग्रता बनायो ।

पेड्रो पोर्रोले ७१औं मिनेटमा गोल गरेर जिरोनालाई खेलमा फर्काउने प्रयास गरे । तर मार्कोर लोरेन्टेले करिब २५ यार्डबाट गोल गरी रियललाई ३–१ को जित सुनिश्चित गराए ।

रियल मड्रिडले सन् २०१४ यता कोपा डेल रेको उपाधि जित्न सकेको छैन । ३१ वर्षीय बेन्जेमा रियल मड्रिडको इतिहासमा सर्वाधिक गोलकर्ताको सूचीमा छैटौं स्थानमा पुगेका छन् ।

सन् २००९ मा ल्योनबाट ३० मिलियन पाउण्डमा अनुबन्ध भएयता उनले रियलका लागि ४४६ खेलमा २०९ गोल गरेका छन् । क्रिष्टियानो रोनाल्डो रियलका सर्वाधिक गोलकर्ता हुन् । उनले ४५१ गोल गरेका छन् ।

बार्सिलोन, भ्यालेन्सिया र रियल बेटिस यसअघि नै सेमिफाइनलमा पुगिसकेका छन् । फेब्रुअरीमा हुने दुई लेग सेमिफाइनलको ड्र शुक्रबार हुनेछ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्