सिन्धुलीमा जन्ती बोकेको टिप्पर दुर्घटना : दुई जनाको ज्यान गयो, ४० जना घाइते

माघ २४, २०७५ बिहिबार ७:३०:३७ | उज्यालो सहकर्मी

सिन्धुली – सिन्धुलीमा जन्ती बोकेको टिप्पर दुर्घटना हुँदा २ जनाको ज्यान गएको छ ।

४० जना घाइते भएका छन् । हिजो बेलुकी रामेछापको खाँडदेवी गाउँपालिका–१, कडोरेबाट जन्ती लिएर काभ्रे फर्कँदै गरेको बा ४ ख ९४३८ नम्बरको टिप्पर सिन्धुलीको सुनकोशी गाउँपालिका–२, कमेरेफाँटमा दुर्घटना हुँदा घाइते भएका काभ्रेको तिमाल–९, की २२ वर्षकी कृगणमाया माझी र १६ वर्षीय चुन्पाई लामाको ज्यान गएको प्रहरीले जनाएको छ ।

दुर्घटनामा परि घाइते भएका मध्ये १० जनालाई थप उपचारको लागि काठमाण्डौको ट्रमा सेन्टरमा ल्याइएको छ । अरुको धुलिखेल अस्पतालमा उपचार भैरहेको छ । टिप्परमा कतिजना सवार थिए भन्ने थाहा हुन नसकेको प्रहरीले जनाएको छ ।

अन्तिम अपडेट: बैशाख १३, २०८१

सिन्धुलीमा जन्ती बोकेको टिप्पर दुर्घटना : दुई जनाको ज्यान गयो, ४० जना घाइते

तपाईको प्रतिक्रिया