रुकुम पश्चिम – भान्जी नाता पर्ने १६ वर्षीया किशोरीलाई जबरजस्ती करणी गरेकाे अभियाेगमा एक युवकलाई जिल्ला प्रहरी कार्यालय रुकुम पश्चिमले पक्राउ गरेको छ । 

प्रहरीका अनुसार, जिल्लाको आठबिसकोट नगरपालिका वडा नं. १० बस्ने २० वर्षीय विकास भनिने मनबिर मल्ललाई जबरजस्ती करणी आरोपमा पक्राउ गरिएको हो । 

आफ्नै भान्जी नाता पर्ने १६ वर्षीया किशोरीलाई जबरजस्ती करणी गरेको भन्ने उजुरीको आधारमा मल्ललाई पक्राउ गरिएको जिल्ला प्रहरी कार्यालय रुकमु पश्चिमका प्रमुख प्रहरी नायब उपरीक्षक सुमित खड्काले बताउनुभयो । 

पीडितकै घरमा माघ २२ गते राति ९ बजे मल्लले जबरजस्ती करणी गरेको प्रहरीले जनाएको छ । 

पक्राउ परेका मल्ललाई जबरजस्ती करणी उद्योग अन्तर्गत मुद्धा दायर गरी कानुन बमोजिम कारबाही सुरु गरिएको डीएसपी खड्काले बताउनुभयो । उहाँका अनुसार, मल्लमाथि हाडनाता करणी मुद्धा समेत आकर्षित भएको छ ।