न्यूजिल्याण्डविरुद्धको दोस्रो टी–२०: भारत ७ विकेटले विजयी

माघ २५, २०७५ शुक्रबार १५:५२:५० | उज्यालो सहकर्मी

न्यूजिल्याण्डविरुद्धको दोस्रो टी–२० क्रिकेटमा भारत ७ विकेटले विजयी भएको छ ।

योसँगै तीन वटा टी–२० प्रतियाेगिताकाे सिरिजमा भारत र न्यूजिल्याण्डले एक एक खेल जितेका छन् । अब आइतबार हुने अन्तिम खेलको नतिजाले सिरिजको छिनोफानो हुने छ ।

१५९ रनको लक्ष्य पछ्याएको भारतले ७ बल बाँकी छँदै लक्ष्य पूरा गरेको थियो । भारतको जितमा रिषभ पन्त ४० तथा महेन्द्रसिंह धोनी २० रनमा नट आउट रहे ।

रोहित शर्मा र शिखर धवनले ७९ रनको ओपनिङ साझेदारी गर्दै बलियो सुरुआत दिलाएका थिए । अर्धशतक बनाउँदा रोहित शर्मा आउट भएपछि ३० रन जोडेका शिखर धवन पनि पेभेलियन फर्किँदा भरतले खातामा ८८ रन जोडेको थियो ।

यसैगरी, तेस्रो विकेटको रुपमा विजय शंकर ८ रन बनाउँदै आउट भएपछि क्रिजमा रहेका रिषभ पन्त र महेन्द्रसिंह धोनीले खेल जिताएका हुन् ।

त्यसअघि टस जितेर पहिला ब्याटिङ गरेको न्यूजिल्याण्डले निर्धारित ओभरमा ८ विकेट गुमाएर १५८ रन बनाएको थियो । न्यूजिल्याण्डका कोलिन ग्राण्डहोमले अर्धशतकीय पारी खेल्दा रस टेलरले ४२ रन बनाएका थिए । भारतका क्रुणाल पाण्ड्याले ३ तथा खलिल अहमदले २ विकेट लिएका थिए ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्