धनगढी प्रिमियर लिगमा काठमाण्डाै गोल्डेन्सको विजयी सुरुवात

माघ २८, २०७५ सोमबार १३:१९:५८ | उज्यालो सहकर्मी

कैलाली - साविक उपविजेता काठमाण्डाै गोल्डेन्सले धनगढी प्रिमियर लिगमा जितका साथ प्रतियोगिता सुरु गरेको छ । आज भएको पहिलो खेलमा काठमाण्डाैले घरेलु टिम धनगढी स्टार्सलाई चार विकेटले हरायो ।

धनगढीस्थित फाप्ला मैदानमा टस हारेर ब्याटिङको निम्तो पाएको धनगढीले २० ओभरमा ५ विकेट गुमाउँदै एक सय ३२ रन बनायो ।

गतिलो सुरुवात गर्न नसकेको धनगढीको स्कोरबोर्डमा मात्र एक रन हुँदा ओपनर रोहन मुस्तफा खाता खोल्न नपाउँदै रनआउट भए । त्यसपछि अर्को ओपनर सुनिल धमला मात्र तीन रनमा पेभेलियन फर्किदा धनगढीले ६ रनमा दुई विकेट गुमायो । तेस्रो विकेटकालागि अमित श्रेष्ठ र रन्दिप रजाली विच अर्धशतकीय साझेदारी हुँदा धनगढीको टिम केही सम्हालिएको थियो ।

तर सन्दीप २८ रनमा ललित राजवंशीको बलमा आउट भएपछि घरेलु टिमले ५८ रनमा तेस्रो विकेट गुमायो । त्यसछि क्रिजमा आएका पवन सर्राफ पनि मात्र १९ रनमा आउट भएपछि एक सय एक रनमा चौथो विकेट खेर फाल्यो । त्यसपछि उसको स्कोर एक सय १५ रन हुँदा अर्धशतक बनाएका अमित श्रेष्ठ पेभेलियन फर्किए । उनी यो सिजनको डीपीएलको पहिलो खेलमा नै अर्धशतक बनाउन सफल भए । अन्तिम ओभरमा सौरभ खनालले १७ रन बनाउदै धनगढीको स्कोरलाई बलियो बनाए ।

जवाफमा काठमाण्डौले एक बल बाँकी हुँदा ६ विकेट गुमाएर लक्ष्य पूरा गर्‍यो । मध्यम सुरुवात गर्दै काठमाण्डाैले पहिलो विकेटका लागि ३२ रनको साझेदारी गर्‍यो । उसले ९५ रन बनाउदा तीन विकेट गुमाएको थियो । ओपनर गौरव तमोर २८ रनमा आउट भए भने अनिलकुमार शाह २४ रनमा पेभेलियन फर्किए । यस्तै अंकित दाबासले २९ रनको योगदान गरे ।

त्यसलगत्तै कप्तान ज्ञानेन्द्र मल्ल मात्र तीन रनमा आउट भएपछि काठमाण्डौले ९९ रनमा चौथो विकेट खेर फाल्यो । त्यसपछि नै सोनु तामाङ पनि मात्र दुई रनमा आउट हुँदा काठमाण्डौको एक सय रनमा पाँचौ विकेट गुमायो ।

त्यसपछि योगन्द्र कार्की दुई रनमा आउट भए । अन्तिममा विक्रम भुषालले १४ रनको योगदान गरे । बलिङमा रोहन मुस्तफाले चार विकेट लिए ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्