प्रदेश स्तरीय महिला भलिबल प्रतियोगिताको सेमिफाइनल समीकरण पूरा

फागुन ९, २०७५ बिहीबार २०:३६:१ | सुवास दर्नाल

सोलुखुम्बु – प्रदेश नम्बर १ स्तरीय महिला भलिबल प्रतियोगिताकाे सेमिफाइनल समिकरण पूरा भएको छ ।

फागुन ७ गतेबाट सोलुखुम्बुको दोर्पुबजारमा रहेकाे योङ स्टार क्लबको खेल मैदानमा जारी प्रतियोगितामा बिहीबार सखुंवासभा, सुनसरी, सोलुखुम्बु र ओखलढुंगा सेमिफाइनलमा प्रवेश गरेसँगै सेमिफाइनल समीकरण पूरा भएको हो ।

बिहीबार भएको क्वाटरफाइनलको पहिलो खेलमा सखुंवासभाले खोटाङलाई ३–० को सोझो सेटमा पराजित गर्याे भने दोस्राे खेलमा सुनसरीले उदयपुरलाई ३–२ को सेटले हरायाे ।

तेस्रो खेलमा सोलुखुम्बुले मोरङलाई ३–० को सोझो सेटमा र चौथो खेलमा ओखलढुगांले झापालाई ३–२ को सेटले पराजित गरेको रेफ्री बिनय राईले जानकारी दिनुभयो ।

लिग कम नक आउटको आधारमा खेलाइएको खेलमा प्रदेश नम्बर १ का चौधै जिल्लाका महिला भलिबल टिमको सहभागिता रहेको थियो । ६ जिल्लाका खेलाडी लिग चरणबाटै बाहिरिएका थिए भने ४ जिल्लाका खेलाडी क्वाटरफाइनलबाट बाहिरिएका छन् ।

प्रतियोगितामा सेमिफाइनलका खेलहरु शुक्रबार हुनेछन् । शुक्रबार हुने सेमिफाइनलको पहिलो खेलमा सखुंवासभाविरुद्ध सोलुखुम्बु भिड्ने छ । त्यस्तै दोस्रो खेलमा ओखलढुंगा र सुनसरीबीच प्रतिस्पर्धा हुनेछ ।

खेल क्वाटरफाइनल देखिनै बेस्ट अफ फाइभकाे आधारमा खेलाइएको जिल्ला खेलकुद विकास समिति सोलुखुम्बुले जनाएको छ ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्