पाकिस्तानी खेलाडीलाई भिसा नदिएपछि आईओसीले भारतलाई गर्‍याे कडा कारबाही

फागुन १०, २०७५ शुक्रबार १२:४:४८ | एजेन्सी

भारतमा हुन लागेको सुटिङको विश्वकप रोक्न अन्तर्राष्ट्रिय ओलम्पिक कमिटीले निर्देशन दिएको छ ।

भारतले पाकिस्तानी खेलाडीलाई भिसा नदिएपछि यस्तो निर्देशन दिएको हो । आईओसीले भारतीय सरकारले लिखित रुपमा भिसा दिने विषयमा आश्वासन नदिँदासम्म भारतमा हुने कुनै पनि ओलम्पिकसँग सम्बन्धित प्रतियोगिताहरु आयोजना गर्न पनि रोक लगाएको छ ।

स्विट्जरल्याण्डमा बसेको ओलम्पिक कमिटीको बैठकले यस्तो निर्णय गरेको हो । भारतमा हुन लागेको सुटिङमा पाकिस्तानका दुई जना खेलाडी सहभागी हुने तय भएको थियो । जीएम बशीर र खलील अहमद २५ मिटर र्‍यापिड फायर इभेन्टमा भाग लिनका लागि आउन खोज्दा पाकिस्तानी खेलाडी भएकै कारण भारतले भिसा दिन अस्वीकार गरेको थियो ।

भारतीय कदमविरुद्ध नेशनल राइफल एसोसिएशन अफ पाकिस्तानले आईओसीमा उजुरी गरेको थियो । जम्मू-कश्मीरको पुलवामामा भएको आक्रमणमा ४० सुरक्षाकर्मी मारिएपछि आक्रमणमा पाकिस्तानको हात रहेको आरोप भारतले लगाउँदै आएको छ । जसका कारण अहिले भारतले पाकिस्तानसँगका सबै सम्बन्ध तोड्नुपर्ने आवाज उठिरहेकाे छ ।

आईओसीले आयोजक देशमा आउने कुनै पनि खेलाडीलाई राजनीतिक हस्तक्षेपबिना निष्पक्ष र समान व्यवहारका साथ प्रतियोगितामा सहभागी हुन मौका दिनुपर्ने बताएकाे छ ।

यो काम आईओसीको आचारसंहिताविरुद्ध भएकाले आउँदा प्रतियोगितामा पनि गम्भीर असर पर्ने चेतावनी दिएको छ । योसँगै अन्तर्राष्ट्रिय सुटिङ फेडरेशनले विश्वकपका लागि ओलम्पिकको कोटा पनि हटाएको छ ।

जसको प्रत्यक्ष घाटा भारतलाई नै भएको छ । १६ वटा कोटामध्ये १४ वटा कोटा भारतलाई मिल्ने तय भएको थियो । योसँगै भारतीय खेलाडीलाई पनि ठूलै झट्का लागेको छ ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्