श्रीलंकन क्रिकेट टिमका पूर्व कप्तान कुमार सांगाकारा मेरिलबाेन क्रिकेट क्लबको अध्यक्षमा नियुक्त

वैशाख १९, २०७६ बिहीबार ८:५८:९ | उज्यालो सहकर्मी

श्रीलंकन क्रिकेट टिमका पूर्व कप्तान कुमार सांगाकारा मेरिलबाेन क्रिकेट क्लब (एमसीसी) को अध्यक्षमा नियुक्त भएका छन् । सांगाकारा बेलायत बाहिरको खेलाडी एमसीसीको अध्यक्ष बनेको पहिलो पटक हो ।

अक्टोबर एक तारिखबाट लागू हुने गरी एमसीसीका अहिलेका अध्यक्ष एन्थोनी वेरफोर्डले सांगाकारालाई नयाँ अध्यक्षमा मनोनयन गरेका हुन् । बुधबार एमसीसीको वार्षिक बैठकमा सांगाकारा एक वर्षका लागि नयाँ अध्यक्षमा नियुक्त भएको घोषणा गरिएको हो ।

एमसीसीको नयाँ अध्यक्षमा नियुक्त भएपछि सांगाकाराले विश्वको प्रतिष्ठित क्लवको अध्यक्षमा नियुक्त हुन पाउदा निकै गर्व महसुस भएको बताएका छन् ।

साथै उनले एमसीसी विश्वकै उत्कृष्ट क्रिकेट क्लब भएको र उसको क्रिकेट भित्र र बाहिर निकै राम्रो इज्जत रहेको बताए । २०२० क्रिकेटका लागि झन उत्कृष्ट वर्ष हुने बताउँदै, सो बेला एमसीसीको अध्यक्षका हैसियतले राम्रो योगदान गर्नेमा विश्वस्त रहेको बताए ।

सांगाकाराले २०११ मा एमसीसीको स्प्रिट अफ क्रिकेट लेक्चरमा आफ्ना सहभागिता जनाएका थिए । २०१२ मा सांगाकारालाई आजीवन एमसीसीको सदस्यता दिइएको थियो ।

यही वर्ष उनले एमसीसीको विश्व क्रिकेट कमिटीमा समावेश भएका थिए । त्यसपछि पनि उनी सक्रिय सदस्यका रुपमा काम गर्दै आएका थिए ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्