सोमपाल र सन्दीपले ग्लोबल टी-२० लिग खेल्ने

असार ५, २०७६ बिहीबार २३:८:५५ | उज्यालो सहकर्मी

नेपाली राष्ट्रिय क्रिकेटर सोमपाल कामीले पहिलो पटक विदेशी फ्रेन्चाइजी लिग खेल्ने भएका छन । उनलाई क्यानडामा हुने ग्लोबल टी-२० लिगमा विनिपेग हक्सले टिममा लिएको छ ।

बिहीबार भएको क्यानडा ग्लोबल टी-२० को ड्राफ्टमा सोमपाललाई न्यूनतम ३ हजार अमेरिकी डलरमा हक्सले टिममा लिएको हो । यस्तै स्पिनर सन्दीप लामिछाने ६० हजार अमेरिकी डलरको न्यूनतम रकममा टोरन्टो नेसनल्समा आबद्ध भएका छन् ।

सोमपालले खेल्ने टिममा डेविड वार्नर, ड्वायन ब्राभो, डेविड मिलर, लेन्ड्ली सिमोन्सजस्ता खेलाडी छन । टिमका प्रशिक्षकमा वकार युनिस रहेका छन् ।

नेपाली राष्ट्रिय टिमका मुख्य बलर सोमपाल यसअघि क्यारेबियन प्रिमियर लिग र बगलादेश प्रिमियर लिगको ड्राफ्टमा परे पनि छनोट भएका थिएनन् । हाल राष्ट्रिय टिमको प्रशिक्षणमा रहेका सोमपाल लामो पर्खाइपछि विदेशी फ्रेन्चाइजी लिग खेल्ने भएका छन ।

आईसीसीको वरीयतामा समेत रहेका सोमपाल अलराउण्डरको भूमिकामा टिममा धेरै पटक राम्रो खेलिसकेका छन । उनी नेपाली टिमका लागि एकदिवसीय खेलमा ६ विकेट लिने खेलाडी पनि हुन ।

यता सन्दीपलाई टोरन्टो नेसनल्सले टिममा अनुबन्ध गरेको हो । लसिथ मालिङ्गा, सुनील नारायन, ड्वायन स्मिथ, दिनेश रामदिन, सिकन्दर राजा रहेको टिममा सन्दीपले खेल्नेछन । उनको प्रशिक्षकका रुपमा टम मुडी रहेका छन् ।

सन्दीप दुई साता अगाडिमात्र क्यारेबियन प्रिमियर लिगमा ७० हजार डलरमा अनुबन्धित भएका थिए ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्