एमसीसीकाे टिम शुक्रबार नेपाल आइपुग्ने

कात्तिक १४, २०७६ बिहीबार १०:४२:३८ | उज्यालो सहकर्मी

इंग्ल्याण्डको मेरिलबोन क्रिकेट क्लब एमसीसी नेपालविरुद्ध सिरिज खेल्न शुक्रबार काठमाण्डौ आइपुग्ने भएको छ । एमसीसीले काठमाण्डौ र पोखरामा गरी ६वटा खेल खेल्नेछ ।

जिम्मी एडम्सको कप्तानीमा रहने एमसीसीको टिम शुक्रबार आइपुग्ने नेपाल क्रिकेट संघ क्यानले जनाएको छ ।

नेपाली राष्ट्रिय टिमविरुद्ध टी-२०, एक दिवसीय र तीन दिवसीय सिरिजका लागि आउन लागेको एमसीसी टिममा अधिकांश खेलाडी इंग्ल्याण्डको यू १९ टिमबाट खेलिसकेका खेलाडी रहेका छन् । टिमको कप्तानी गर्ने एड्म्स टिमका अनुभवी खेलाडी हुन् ।

टिममा रहेका विल रोड्सले २०१४ मा इंग्ल्याण्डको यू १९ टिमबाट खेलेका थिए । पाकिस्तान टिमबाट टेष्ट खेलिसकेका यासिर अराफात पनि टिममा रहेका छन् । उनी २००० देखि २०१२ सम्म पाकिस्तानको टेष्ट टिममा थिए ।

यस्तै टोम वेस्ट्लेले इंग्ल्याण्डका लागि ५ वटा टेष्ट खेलिसकेका छन् । जिम्मी एड्म्सले यसअघि पनि नेपाल विरुद्ध खेलिसकेका छन् । नेपालले इंग्ल्याण्डमा अभ्यास खेल खेल्दा उनले ७१ रन बनाएका थिए । त्यतिबेला उनले क्रोस सिम्बोडियन विरुद्ध खेलेका थिए जसमा नेपाल १९ रनले पराजित भएको थियो ।

एमसीसी टिमले १४ तारिखसम्म नेपालमा मैत्रीपूर्ण खेल खेल्नेछ । यसका साथै एमसीसीले नेपालमा पिच, प्रशिक्षक लाई शिक्षा तथा किट प्रोभिजनमा सहयोग गर्नेछ । यसका साथै पोखरामा नयाँ स्कुल प्रतियोगिता पनि आयोजना गर्नेछ ।

यो टुरमा एमसीसीले एउटा तीन दिवसीय, दुई वटा ५० ओभरको खेल र तीन ओटा टी-२० खेल खेल्नेछ । यसका साथै एमसीसी फाउन्डेसनले पाँच वटा सरकारी स्कुलमा क्रिकेटसम्बन्धी सहयोग गर्नेछ ।

एमसीसीको नेपालमा खेल तालिका

३ नोभेम्बर, एमसीसीविरुद्ध नेपाल यू–१९ टिम - ५० ओभर
४ नोभेम्बर, एमसीसीविरुद्ध नेपाल सिनियर टिम - ९५ ओभर
६ देखि ८ नोभेम्बर, एमसीसीविरुद्ध नेपाल - तीन दिवसीय
९ नोभेम्बर, पहिलो टी-२० एमसीसीविरुद्ध सिनियर र यू १९ को मिक्स टिम

पोखरामा हुने खेल

११ नोभेम्बर, एमसीसीविरुद्ध पोखरा आमन्त्रण ११
१२ नोभेम्बर, एमसीसीविरुद्ध मुख्यमन्त्री ११

माथिका दुवै खेल २० ओभरका हुनेछन् ।

सम्बन्धित समाचार

नेपालविरुद्धको सिरिजका लागि एमसीसीकाे टिम घोषणा

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्