पोखरा प्रिमियर लिग : विराटनगरले दियाे पोखरा पल्टनलाई १४६ रनको लक्ष्य

पुष २, २०७६ बुधबार १५:८:३७ | उज्यालो सहकर्मी

कास्की - पोखरा प्रिमियर लिग (पीपीएल)मा विराटनगर टाइटन्सले पोखरा पल्टनलाई १४६ रनको लक्ष्य दिएको छ ।

पुनित मेहराको अर्धशतकीय पारीको मद्दतले विराटनगरले निर्धारित ओभरमा ५ विकेटको नोक्सानीमा १४५ रन बनाएको हो । पोखरा मैदानमा टस हारेर पहिला ब्याटिङ गरेको विराटनगरले सुरुआत भने राम्रो गरेको थियो । तर मध्यक्रमका ब्याट्सम्यानहरु चल्न नसक्दा इनिङ्स धरमराएको थियो ।

पहिलो विकेटका लागि सुनिल धमला र मोहम्मद जइद आलमका बीचमा ५० रनको साझेदारी भएको थियो । जइद २६ रन बनाएर आउट भए । यसैगरी दोस्रो विकेट विराटनगरले टिमको स्कोर ६८ रन हुँदा सुनिल धमालाको रुपमा गुमायो । धमला ३६ रन बनाएर पेभेलियन फर्किएका थिए ।

कप्तान प्रदीप सिंह ऐरी भने रन आउट हुन पुगे । उनी ६ रन बनाएर रन आउट हुँदा विराटनगर ६८ रनमै रोकिएको थियो । ७२ रन हुँदा चौथो विकेटको रुपमा नोमान खानलाई गुमाउन पुग्यो । नोमानले १ रनको मात्र योगदान गरे । ७६ रन हुँदा पाँचौं विकेटको रुपमा लोकेश बम व्यक्तिगत २ रनमा मैदानबाट बाहिरिए ।

पुनित मेहरा र राजु रिजालले धरमराएको विराटनगरको इनिङ्स उकास्दै १०० रन कटाएका थिए । यसैगरी पुनितले २३ बलमा अर्धशतक प्रहार गरे । समग्रमा २६ बल खेलेका पुनित ५ चौका र ४ छक्कासहित ६१ रनमा नट आउट रहे । राजु रिजाल पनि ९ रनमा अविजित रहे ।

पोखराका लागि कप्तान शरद भेषावकरले २ तथा कुशल मल्ल र सर्वजित लड्डाले एक-एक विकेट लिए ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्