रोनाल्डोको 'हेडिङ गोल'मा युभेन्टस विजयी

पुष ३, २०७६ बिहीबार ६:४८:४१ | उज्यालो सहकर्मी

काठमाण्डौ – इटालियन सिरी ए मा शीर्ष स्थानको युभेन्टसले रेलिगेसनभन्दा एक स्थानमाथि रहेको साम्पदोरियालाई पराजित गरेको छ ।

बुधबार राति भएको खेलमा क्रिस्टियानो रोनाल्डो र पाउलो डिबालाको एक–एक गोलमा युभेन्टसले तीन अंक जोड्न सफल भयो ।

प्रतिस्पर्धात्मक बनेको खेलको १९ औं मिनेटमा डिबालाको गोलमा युभेन्टसले अग्रता बनायो । उनले एलेक्स सान्द्रोको पासको सदुपयोग गरेका थिए ।

एक गोलले पछि परेको साम्पदोरियाले ३५ औं मिनेटमा खेल बराबरी गर्न सफल भयो । उसका लागि काप्रारले गोल गरे । तर पहिलो हाफको अन्तिममा एलेक्स सान्द्रोको पासमा रोनाल्डोले गोल गर्दै टिमलाई पहिलो हाफमा २–१ ले अगाडि राखे ।

बास्केटबल खेलाडीको हाइटमा रोनाल्डोले दुई दशमलव ६ मिटर जम्प गरेर एक दशमलव पाँच सेकेण्ड हावामा होल्ड गरेर हेडमार्फत गोल गरेका थिए ।

तर दोस्रो हाफमा दुवै टिमबाट गोल नभएपछि युभेन्टसले महत्वपूर्ण तीन अंक हात पार्न सफल भयो ।

यो जितसँगै युभेन्टसले १७ खेलमा ४२ अंक बनाएको छ । त्यस्तै दोस्रो स्थानमा रहेको इन्टर मिलाकोे एक खेल कम खेल्दा ३९ अंक छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्