पाेखरा पल्टन लिग चरणबाटै बाहिरियाे

पुष ७, २०७६ सोमबार १४:५५:१० | उज्यालो सहकर्मी

कास्की – पोखरा प्रिमियर लिग (पीपीएल) अन्तर्गत अघिल्लो संस्करणको विजेता पोखरा पल्टन प्रतियोगिताबाट बाहिरिएको छ ।

यो संस्करणमा निकै खराब प्रदर्शन गरेको पोखरा लिग चरणबाट नै बाहिरियो । लिगको अन्तिम खेलमा धनगढीसँग ५ विकेटले पराजित भएपछि पोखराको यात्रा लिग चरणमा नै सकियो ।

पोखरा क्रिकेट मैदानमा टस जितेर पहिले ब्याटिङ गरेको घरेलु टिम १६ ओभर ३ बलमा ७९ रन बनाउँदै अलआउट भयो । निकै खराब ब्याटिङ गरेको पोखराका दुई खेलाडीले मात्र दोहोरो अंक जोड्न सके ।

सात रनमा पहिलो विकेट गुमाएको पोखराले २० रन बनाउँदा तीन विकेट खेर फालेको थियो । उसका कुनै पनि खेलाडीबीच राम्रो साझेदारी हुन सकेन । ५४ रनमा चार विकेट खेर फालेको पोखराले ७१ रन हुँदा ८ विकेट गुमायो । अन्ततः ७९ रनमा अलआउट भयो ।

पोखराका लागि आसिफ शेखले सर्वाधिक ३२ रन बनाए । कुशल भुर्तेल ६ रनमा आउट भए भने कप्तान शरद भेषवाकर चार तथा रविइन्दर सिंहले खाता खोल्न सकेनन् । यस्तै विनोद भण्डारी १२ रनमा आउट हुँदा कुशल मल्ल दुई, कृष्ण कार्की एक र रोहित पोडेलले खाता खोल्न सकेनन् ।

पोखराको पारी ध्वस्त पार्ने क्रममा अनिल खरेलले तीन तथा सागर ढकाल र दीपक पुनीयाले दुई–दुई विकेट लिए ।

जवाफमा धनगढीले ९ ओभर १ बलमा ५ विकेट गुमाउँदै लक्ष्य पूरा गर्‍याे । यो जितले पनि धनगढीको प्लेअफमा पुग्ने सम्भावना निकै कम रहेको छ ।

आजको खेलमा पनि धनगढीले सुरुवात राम्रो गर्न सकेन । २७ रनमा पहिलो विकेट गुमाएको धनगढीले ४१ रनमा दोस्रो विकेट खेर फाल्यो । उसका ओपनर थोमस रोद्रिगो १५ रनमा आउट भए भने कप्तान दीपेन्द्र ऐरी १३ रनमा पेभेलियन फर्किए । तर दीपक पुनीया र सुविन्धु पाण्डेले धनगढीलाई जितको बाटो देखाए ।

अब धनगढीलाई प्लेअफमा पुग्न काठमाण्डौ वा विराटनगरले भारी अन्तरले हार्नुपर्नेछ ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्