न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
दाेलखा - शिवरात्रि मनाउनका लागि डोरी टाँगेर सहयोग माग्ने क्रममा दाेलखामा एक बालकको ज्यान गएको छ ।
ज्यान गुमाउनेमा कालिञ्चोक गाउँपालिका–९ सुन्द्रावतीका नौ वर्षीय पुजन थामी रहेका प्रहरीले जनाएकाे छ । बाटाेमा डाेरी टाँगेर सहयाेग माग्दै गर्दा यात्रु बाेकेकाे बसको पछाडिपट्टिको चक्काले कुल्चिँदा उनकाे ज्यान गएकाे हो ।
सिंगटीबाट चरिकोट आउँदै गरेको पूर्वअरनिको यातायातको बा४ख ५८०९ नम्बरकाे बसकाे चक्काले थामीलाई बिहान साढे एघार बजेतिर कुल्चँदा उनकोे घटनास्थलमै ज्यान गएको प्रहरीले जनाएको छ । बसले डाेरीसहित लतार्दा बालक थामी बसकाे चक्कामुनि परेकाेले उनकाे ज्यान गएकाे स्थानीयकाे भनाइ छ।
मृतक थामीको शव घटनास्थलमै राखिएको छ भने बस लिएर चालक सिधै जिल्ला प्रहरी कार्यालयमा आएको प्रहरीले जनाएको छ ।