यूरोपेली लिगहरु फेरि सञ्चालन गर्ने विषयमा आज सबै सदस्य राष्ट्रहरुको बैठक बस्दै

वैशाख ९, २०७७ मंगलबार ९:३५:० | उज्यालो सहकर्मी

काठमाण्डौ - यूरोपेली फुटबल महासंघ यूईफएले यूरोपेली लिगहरु फेरि सञ्चालन गर्ने विषयमा आज ५५ वटै सदस्य राष्ट्रहरुसँग बैठक बस्दैछ ।

भिडियो कन्फ्रेन्समार्फत हुने यो बैठकको मुख्य एजेन्डा सदस्य राष्ट्रहरुमा रोकिएको लिग कसरी सकाउने भन्ने रहनेछ । त्यस बाहेक यूईएफएको दुई वटा ठूला प्रतियोगिता च्याम्पियन्स लिग र यूरोपा लिगको सञ्चालनको विषय अझ महत्वपूर्ण रहनेछ ।

यूईफएले च्याम्पियन्स लिग र यूरोपा लिगलाई एउटा लेगमा नकआउट खेलाएर एक साताभित्र प्रतियोगिता सकाउने विकल्प अघि सारेको छ ।
दुवै प्रतियोगिताका क्वार्टर फाइनलदेखिका खेल बाँकी छन् ।

यूरोपेली फुटबल महासंघले बाँकी रहेको खेल तालिका परिमार्जनका लागि दुई वटा समिति बनाएर काम गरिरहेको छ । मे महिनाको दोस्रो सातादेखि यूरोपका फुटबल लिगहरु सञ्चालन गराउने तयारी रहेको छ ।

जर्मनी र डेनमार्क अर्को महिनादेखि लिग फेरि सञ्चालन गराउन सकारात्मक देखिएका छन् । तर, अन्य देशका फुटबल संघले भने यो मितिमा लिग सञ्चालन गर्न सम्भव नभएको बताएका छन् ।

अहिले इटाली, स्पेन र इंग्ल्याडमा सबैभन्दा धेरै सङ्क्रमण देखिएको छ । त्यहाँको फुटबल संघहरुले मे महिनामा फुटबल सञ्चालन गर्न नसकिने बताइसकेका छन् ।

यो बैठकपछि यूईएफएको कार्यसमिति बैठक पनि बिहीबार बस्नेछ । यो बठकले महिला यूरोपेली च्याम्पियनसिप, नेसन्स लिग र यूरो कप आयोजनाको विषयमा निर्णय गर्नेछ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्