एन्फाले फिफाबाट पाँच लाख अमेरिकी डलर पाउने

वैशाख १३, २०७७ शनिबार १८:६:५६ | उज्यालो सहकर्मी

काठमाण्डौ – विश्व फुटबल महासङ्घ (फिफा) ले आफ्ना एसोसिएट राष्ट्रलाई दिँदै आएको सहयोग अनुसार यो पटक पाँच लाख डलरका दरले वितरण गर्ने भएको छ । जसमा अखिल नेपाल फुटबल सङ्घले पनि पाँच लाख डलर पाउने भएको छ ।

फिफाले हरेक सदस्य राष्ट्रमा कोरोनाका कारण फुटबल गतिविधि नभएको अवस्थामा आर्थिक रुपमा ठूलो नोक्सानी भएको भन्दै सहयोग गर्ने बताएको थियो । त्यही अनुसार उसले अहिले पाँच लाख डलर दिने भएको हो ।

यो रकम छुट्टै शीर्षकमा भन्दा पनि नियमित बजेटमा आउने भएको छ । यसका लागि फिफाले स्थापना गरेको कोषबाट झण्डै १५ करोड डलर खर्च गर्ने भएको छ । जसमा सदस्यलाई बराबर रुपमा रकम पठाउने भएको छ ।

फिफाले शनिबार (आज) साँझसम्म रकमका बारेमा पत्र पठाउने एन्फा अध्यक्ष कर्माछिरिङ शेर्पाले बताए । त्यसपछि मात्र कुन शीर्षकमा रकम आएको भन्ने थाहा हुने बताए । तर नियमित बजेटका रुपमा आउन लागेको प्रारम्भिक जानकारी भएको उनले बताए ।

यो रकमबाट कर्मचारीको तलब, आर्थिक हिसाब किताब राख्नुपर्ने हुन्छ । यतिबेला विश्वमा जस्तै नेपालमा पनि कोरोनाको असर परिरहेको छ । जसका कारण एन्फाले सबै फुटबल गतिविधि बन्द गर्नुपरेको छ । एन्फाको मुख्यालय पनि बन्द रहेको छ भने अतिआवश्यक काम घरबाटै भइरहेको छ ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्