काठमाण्डौ - भारतमा गएको २४ घन्टायता एक हजार ९ सय ७५ कोरोना भाइरसका नयाँ सङ्क्रमित थपिएका सोमबार जनाइएको छ । 

सोमबार बिहानको तथ्यांकअनुसार भारतमा ‘कोभिड-१९’ का सङ्क्रमितहरूको संख्या २६ हजार ९ सय १७ जना पुगेको त्यहाँको स्वास्थ्य तथा परिवार कल्याण मन्त्रालयले जनाएको छ । 

भारतमा देखिएका सङ्क्रमितहरूमध्ये ५ हजार ९ सय भने उपचारपछि निको भएर फर्किएका छन् । मन्त्रालयले दिएको जानकारीअनुसार हाल यहाँ २० हजार १७७ कोरोनाका सङ्क्रमित बिरामी अस्पतालमा उपचाररत रहेका छन् ।

यो पनि पढ्नुहोस्

अप्रिल २७ : खाडी र मलेसियाकाे काेराेना अपडेट

---

कोरोना भाइरसको अत्यधिक सङ्क्रमणको कारण सार्वजनिक यातायात, विद्यालय, कलेज र शपिंग मललगायत सबै सेवाहरू बन्द गरिएको छ । पछिल्ला केही दिनहरुमा केन्द्रीय सरकारले बिस्तारै बन्देजहरु सहज गरिरहेको छ ।  

भारतमा सङ्क्रमण बढदै गएपछि सरकारले कोरोना भाइरस ९कोविड–१९० को सङ्क्रमण रोक्नको बन्दाबन्दी ९लकडाउन० लाई आगामी मे महिनाको ३ तारिखसम्म लम्ब्याएको घोषणा गरेको छ । 

भारतीय प्रधानमन्त्री नरेन्द्र मोदीले गत महिना घोषणा गर्नु भएको २१ दिने लकडाउनको अवधि समाप्त हुँदै गरेको अवस्था फेरि १९ दिनको लकडाउनलाई जोडिएको घोषणा गर्नु भएको थियो ।