स्पेनिस ला लिगामा रियल मड्रिडलाई दुई अंकको अग्रता

असार १५, २०७७ सोमबार ८:३७:११ | उज्यालो सहकर्मी

स्पेनिस ला लिगामा रियल मड्रिडले इस्पानोयलमाथि एक शून्यको कठिन जित निकाल्दै दोस्रो स्थानको बार्सिलोनाभन्दा दुई अंकको अग्रता बनाएको छ ।

गएराति भएको खेलको छैटौं मिनेटमा नै रियालका क्यासेमेरोको प्रहारलाई इस्पानोलका गोलकिपर लोपेजले बचाए । ३१ औं मिनेटमा टोनी क्रुसको फ्रिकिकमा कप्तान सर्जियो रामोसको हेडर प्रयासले सहि दिशा लिन सकेन । खेलको ४४ औं मिनेटमा रियलका तीन खेलाडीले प्रहार गरेको बललाई इस्पानोयलका गोलकिपर लोपेजले बचाए ।

तर पहिलो हाफका अन्तिममा रियालले खेलमा अग्रता बनायो । करिम बेन्जिमाले डिबक्समा दिएको पासलाई क्यासेमेरोले सहजै गोल गर्न सफल भए ।

पहिलो हाफमा एक शून्यको अग्रता बनाएको रियालले दोस्रो हाफमा पनि धेरै अवसर पाएका थियो । तर उसले थप गोल गर्न सकेन ।

जितसँगै रियालले ला लिगामा बार्सिलोनासँगको दूरी दुई अंकमा पुर्याएको छ । ३२ खेलमा रियालको ७१ अंक भएको छ भने बार्सिलोनाको ६९ अंक छ । इस्पानोयल भने २४ अंकका साथ रेलिगेसनको संघारमा रहेको छ ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्