प्रिमियर लिगमा चेल्सी र लेस्टरको हार

असार १८, २०७७ बिहीबार ६:२२:२४ | उज्यालो सहकर्मी

इंग्लिस प्रिमियर लिगमा चेल्सी वेष्टह्यामसँग पराजित भएको छ । हारसँगै उसले लिगको तेस्रो स्थानमा उक्लने सुनौलो मौका खेर फालेको छ । गएराति भएको खेलमा चेल्सी वेष्टह्यामसँग तीन–दुई गोलले पराजित भयो ।

लण्डन स्टेडियममा भएको खेलमा चेल्सीले सुरुवाती गोलको अग्रता जोगाउन सकेन । ३५ औं मिनेटमा वेष्टह्यामले गोल गरेको थियो । तर त्यसलाई भिडियो एसिस्टेन्ट रेफ्रिले गोलको मान्यता दिएनन् ।
खेलको ४२ औं मिनेटमा चेल्सीले अग्रता लिएको थियो । उसका लागि विलियमले पेनाल्टीबाट गोल गरेका थिए । तर त्यो अग्रता धरैबेर टिक्न सकेन । खेलको पहिलो हाफको इन्जुरी समयमा वेष्टह्यामका सोसेकले गोल गर्दै खेल बराबरीमा पुर्‍याए ।

पहिलो हाफ एक एक गोलको बराबरीमा सकिएको खेलको दोस्रो हाफमा वेष्टह्यामले दुई गोल थप्दा चेल्सीले एक गोलमात्र गर्न सक्यो । ५१ औं मिनेटमा एन्टोनीयोले गोल गर्दै वेष्टह्यामले अन्तर दुई एकमा पुर्‍यायाे ।

तर ७२ औं मिनेटमा विलियमले ब्यक्तिगत दोस्रो गोल गर्दै टिमलाई दुई दुईको अवस्थामा पुर्‍याएका थिए । तर ८९ औं मिनेटमा एन्टोनीयोको पासमा एन्ड्री यारमेलेङ्घले उत्कृष्ट गोल गरेपछि चेल्सीले हारको सामना गर्नुपर्यो । यो हारपछि चेल्सीले शिर्ष तीनमा उक्लने मौका गुमायो ।

त्यो भन्दा अगाडी लेस्टर सिटी एभर्टनसँग दुई एकले पराजित भएको थियो । तर त्यसका फाइदा चेल्सीले उठाउन सकेन । हारपछि तेस्रो स्थानको लेस्टरको ३२ खेलमा ५५ अंक रहेको छ भने चेल्सीको ५४ अंक छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्