पारस खड्का एमबीए गर्दै

भदौ २१, २०७७ आइतबार १६:५५:९ | उज्यालो सहकर्मी

काठमाण्डाै – नेपाली राष्ट्रिय टिमका पूर्वकप्तान पारस खड्कालाई नयाँ बानेश्वरमा रहेकाे फिनिक्स कलेज अफ म्यानेजमेन्टले एमबीए कार्यक्रममा एम्बेसडर नियुक्त गरेको छ ।

पारस खड्का यही कलेजअन्तर्गत सञ्चालित एमबीए कार्यक्रममा यसै सेप्टेम्बर सत्रदेखि अध्ययन पनि गरिरहेका छन् । फोनिक्स कलेज अफ म्यानेजमेन्टका प्राचार्य डाक्टर विनोदबहादुर खत्री भन्छन्, 'पारस खड्काको कलेजसँगको सामिप्यता तथा उच्च शिक्षा अध्ययनप्रतिको लगावले के प्रष्ट्याउँछ भने फिनिक्स कलेज अफ म्यानेजमेन्ट राष्ट्रिय नायक तथा मेधावी विद्यार्थीको पहिलो रोजाइमा परेको कलेज हो ।'

कलेजका निर्देशक लक्ष्मण पोख्रेलले पारस खड्का कलेजको एमबीए कार्यक्रममा ब्राण्ड एम्बेसडर भएको घोषणा गरी दुई वर्षको लागि अनुबन्ध गरिएको शनिबारकाे एक कार्यक्रममा जानकारी दिए ।

एम्बेसडर घाेषणापछि पूर्वकप्तान खड्काले भने, 'खेलाडीहरूका लागि औपचारिक र उच्च शिक्षा धेरै आवश्यक छ, विशेष गरी खेलको क्यारियरपछि उनीहरूको भविष्यका लागि, एक शिक्षित खेलाडी आफैलाई, विश्व र खेललाई अझ राम्ररी बुझ्न सक्षम हुन्छ ।'

फिनिक्स कलेज अफ म्यानेजमेन्ट लिङ्कन विश्वविद्यालयबाट सम्बन्धन प्राप्त गरी एमबीए तथा बीबीए कार्यक्रम सञ्चालन गर्ने नेपालकाे पहिलाे कलेज हाे ।

अन्तिम अपडेट: कात्तिक १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्