उत्कृष्ट गोल रक्षक बने रियल मड्रिडका नाभास, रामोस उत्कृष्ट डिफेन्डर

भदौ १५, २०७५ शुक्रबार ७:०:१३ | उज्यालो सहकर्मी

कोस्टारीकन तथा रियल मड्रिडका गोलरक्षक कलर नाभास युरोपको उत्कृष्ट गोलरक्षक चुनिएका छन् । नाभासले ब्राजिलका एलिसन बेकर र इटालियन गोलरक्षक जियान लुइजी बुफोनलाई पछि पारे ।

रियललाई लगातार तेस्रो च्याम्पियन्स लिग उपाधि दिलाउन नाभासले महत्त्वपूर्ण भूमिका खेलेका थिए । जसमा उनेल ११ खेलमा १३ गोल मात्र खाएका थिए ।

नाभासले भोटिङमा २ सय २२ अंक हासिल गरे । दोस्रो स्थानमा हाल लिभरपुलमा रहेका एलिसन बेकरले १ सय ९७ अंक पाए । तेस्रो स्थानमा रहेका बुफोनको ९२ थियो ।

युरोप भरिका ८० क्लबका प्रशिक्षक, यूरोपेली फुटबल महासंघका सदस्य र सदस्य राष्ट्रका पत्रकारको भोटका आधारमा विजेताको छानिएको हो ।

रामोस उत्कृष्ट डिफेन्डर

स्पेनको राष्ट्रिय टोली एवं रियल मड्रिडका कप्तान सर्जियो रामोस युरोपको उत्कृष्ट डिफेन्डर घोषित भएका छन् । रामोसले आफ्नै क्लबबाट खेल्दै आएका राफेल भराने र मार्सेलोको चुनौती पन्छाउँदै उपाधि जिते ।

रामोसले मतदानका क्रममा १ सय ८४ अंक जोडेका थिए । दोस्रो स्थानमा रहेका भरानेले १ सय ६७ अंक पाए भने तेस्रो स्थानका मार्सेलोले १ सय ४५ अंक प्राप्त गरे ।

मतदानका लागि युरोप भरिका ८० क्लबका प्रशिक्षक, यूरोपेली फुटबल महासंघका सदस्य र सदस्य राष्ट्रका पत्रकारको भोट समावेश थियो ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्