त्रिदेशीय एकदिवसीय क्रिकेट श्रृंखलामा नेपाल ओमानसँग ५ विकेटले पराजित

भदौ ३०, २०७८ बुधबार ७:३१:० | उज्यालो सहकर्मी

काठमाण्डाै – आईसीसी विश्वकप क्रिकेट लिग–२ अन्तर्गतको त्रिदेशीय एकदिवसीय क्रिकेट श्रृंखलामा नेपाल ओमानसँग पराजित भएको छ ।

नेपाललाई घरेलु टोली ओमानले ५ विकेटले हराएको हो । नेपाल ओमानसँग लगातार तेस्रो खेलमा पराजित भएको छ । लिग–२ अन्तर्गत यसअघि घरेलु मैदानमा भएको दुई खेलमा नेपाललाई ओमानले हराएको थियो । अल अमिरात मैदानमा नेपालले दिएको १ सय ९७ रनको लक्ष्य ओमानले ३१ ओभर १ बलमा ५ विकेट गुमाएर भेट्टायो । ओमानका जतिन्दर सिंहले १ सय ७ रनको शतकीय पारी खेले ।

नेपालका करण केसी र कुशल मल्लले २/२ तथा सुशन भारीले १ विकेट लिए । यसअघि टस जितेर पहिले ब्याटिङ गरेको नेपालले ४७ ओभर ४ बलमा अलआउट हुँदै १ सय ९६ रन बनाएको थियो । नेपालका ओपनर आसिफ शेखले ९० रनको अर्धशतकीय पारी खेले । आसिफको यो एकदिवसीय अन्तराष्ट्रिय क्रिकेटमा पहिलो अर्धशतक समेत हो । ओमानका बिलाल खानले ४ विकेट लिए । त्यस्तै नेस्टर धाम्बाले २ तथा जिशन मक्सुद र मोहमद नदीमले १/१ विकेट लिए ।

अब नेपालले शुक्रबार अमेरिकासँग दोस्रो खेल खेल्नेछ । सोमबार भएको खेलमा नेपालले अमेरिकालाई ५ विकेटले हराएको थियो । लिग–२ को अंक तालिकामा नेपाल छैटौं स्थानमा रहेको छ । नेपालले ६ खेलमा ६ अंक जोडेको छ । ओमान ११ खेलमा १८ अंक जोडेर शीर्ष स्थानमा छ ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्