ईपीएल क्रिकेटमा भैरहवाले चितवनलाई हरायाे

असोज १८, २०७८ सोमबार १३:५०:१७ | उज्यालो सहकर्मी

काठमाण्डाै – एभरेस्ट प्रिमियर लिग (ईपीएल) टी–२० क्रिकेटमा भैरहवा ग्लाडियटर्सले चितवन राइनोजलाई हराएको छ । चितवनले दिएको एक सय ६५ रनको लक्ष्य भैरहवाले चार विकेट गुमाएर १३ बल अघि नै पूरा गर्‍याे ।

भैरहवाका लागि प्रदीप ऐरीले ४३ बलमा ७२ रन बनाए । यस्तै तामिम इकबलले ४० र उपुल थारङ्गाले अविजित ३९ रन बनाए । बलिङतर्फ चितवनका करिम जनतले दुई विकेट लिँदा सागर ढकाल र भीम सार्कीले समान एक–एक विकेट लिए ।

यसअघि त्रिवि क्रिकेट मैदानमा टस जितेर पहिले ब्याटिङ गरेको चितवनले निर्धारित ओभरमा आठ विकेट गुमाएर एक सय ६४ रन बनायो । चितवनका लागि करिम जनतले ३५, मोहम्मद शहजादले ३२ र सेकुगे प्रसन्नाले २४ रन बनाए । बलिङतर्फ भैरहवाका अविनाश बोहराले तीन, कुशल मल्लले दुई विकेट लिए ।

याे जितसँगै भैरहवा चार खेलमा ६ अङ्कसहित तालिकाको दोस्रो स्थानमा उक्लिएकाे छ । चितवनको भने पाँच खेलमा आठ अङ्क छ । चितवन यसअघि नै क्वालिफायरमा पुगिसकेको छ ।

प्रतियोगितामा अहिले दोस्रो खेलमा काठमाण्डौ किङ्ग्स इलेभेन र पोखरा राइनोज खेलिरहेका छन् ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्