वेस्ट इन्डिजसँगकाे पहिलाे टेस्टमा श्रीलङ्का १ सय ८७ रनले विजयी

मंसिर ९, २०७८ बिहीबार १५:३०:२३ | उज्यालो सहकर्मी

काठमाण्डाै – वेस्ट इन्डिजसँगको पहिलो टेस्टमा श्रीलङ्का एक सय ८७ रनले विजयी भएको छ । गालेमा श्रीलङ्काले दिएको तीन सय ४८ रनको लक्ष्य पछ्याएको वेस्ट इन्डिज दोस्रो इनिङ्समा एक सय ६० रन अलआउट भएको हो । वेस्ट इन्डिजका नक्रुमाह बोनर ६८ बलमा नटआउट रहे पनि टिमलाई जिताउन सकेनन् । यस्तै जोशुवा डा सिल्भाले ५४ रन बनाए । बलिङतर्फ रमेश मेन्डिसले पाँच विकेट र लासिथ इमबुल्देनियाले चार विकेट लिए ।

पहिलो इनिङ्समा एक सय ५६ रनको अग्रता लिएको श्रीलङ्काले दोस्रो इनिङ्समा चार विकेटको क्षतिमा एक सय ९१ रन बनाएर पारी समाप्त भएको घोषणा गरेको थियो । श्रीलङ्काका दिमुथ करुनारत्नेले ८३ र एन्जेलो म्याथ्विजले नटआउट ६९ रन बनाएका थिए । बलिङतर्फ वेस्ट इन्डिजका रहकीम कर्नवाल र जोमेल वारिकनले समान दुई–दुई विकेट लिएका थिए ।

पहिलो इनिङ्समा वेस्ट इन्डिज दुई सय ३० रनमा अलआउट भएको थियो । वेस्ट इन्डिजका केल मायर्सले ४५, रहकीम कर्नवालले ३९ र जेसन होल्डरले ३६ रन बनाएका थिए । बलिङतर्फ श्रीलङ्काका प्रभीन जयविक्रमाले चार र रमेश मेन्डिसले तीन विकेट लिएका थिए ।

टस जितेर पहिले ब्याटिङ गरेको श्रीलङ्का पहिलो इनिङ्समा तीन सय ८६ रन बनाएर अलआउट भएको थियो । श्रीलङ्काका दिमुथ करुनारत्नेले एक सय ४७, धननन्जय डी सिल्भाले ६१, पथुम निसान्काले ५६ र दिनेश चन्डिमलले ४५ रन बनाएका थिए । बलिङतर्फ वेस्ट इन्डिजका रोस्टन चेसले पाँच, जोमेल वारिकनले तीन र शानोन गाब्रिएलले दुई विकेट लिएका थिए ।

दुई खेलको टेस्ट शृङ्खलाका लागि वेस्ट इन्डिज श्रीलङ्का भ्रमणमा आएको हो । यी दुईबीचको दोस्रो टेस्ट यही नोभेम्बर २९ देखि सुरु हुनेछ ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्