इङ्ग्लिस प्रिमियर लिगमा चेल्सी वेस्ट ह्यामसँग पराजित

मंसिर १९, २०७८ आइतबार ७:३:२३ | उज्यालो सहकर्मी

काठमाण्डाै - इङ्ग्लिस प्रिमियर लिगमा चेल्सी वेस्ट ह्यामसँग ३–२ गोलले पराजित भएको छ ।

वेस्ट ह्यामले दुई पटक पछि परेको अवस्थालाई उल्टाउँदै चेल्सीलाई हराएको हो । घरेलु मैदानमा वेस्ट ह्यामले अन्तिम समयमा निर्णायक गोल गर्यो । चेल्सीले खेलको २८ औँ मिनेटमा थियागो सिल्भाको गोलमा अग्रता लिएको थियो । वेस्ट ह्यामले ४० औँ मिनेटमा पेनाल्टीमार्फत बराबरी गोल फर्कायो ।

वेस्ट ह्यामका म्यानुएल लान्जिनीले पेनाल्टीमा गोल गरे । तर पहिलो हाफको अन्तिम मिनेटमा चेल्सीले गोल थप्यो । दोस्रो हाफको ५६ औँ मिनेटमा वेस्ट ह्यामका बोवेनले गोल गरे । खेल बराबरी रहेको अवस्थामा वेस्ट ह्यामका अर्थर मासुआकुले ८७ औँ मिनेटमा निर्णायक गोल गरे ।

जितसँगै वेस्ट ह्यामको १५ खेलमा २७ अङ्क भएको छ । वेस्ट ह्याम अङ्क तालिकाको चौथो स्थानमा छ । प्रिमियर लिग अन्तर्गत नै अर्को खेलमा न्युकासलले बर्नलीलाई १–० ले नै हराएको छ । त्यस्तै साउथह्याम्पटन र ब्राइटनले १/१ गोलको बराबरी खेलेका छन् ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्