माल्दिभ्सका प्रशिक्षकले भने - ‘हाम्रोभन्दा नेपालको टिम धेरै राम्रो छ ’

 भदौ २६, २०७५ मंगलबार १५:५८:० | उज्यालो सहकर्मी

साफ च्याम्पियनशिपको सेमिफाइनलमा बुधबार नेपाल माल्दिभ्सविरुद्ध मैदानमा उत्रिँदैछ ।

बंगलादेशको ढाकामा रहेको बंगबन्धु रंगशालामा हुने खेल नेपाली समय अनुसार पौने चार बजे हुनेछ । प्रतियोगिताका लागि नेपाली टिमले मंगलबार सामान्य अभ्यास गरेको छ ।

सेमिफाइनलको पूर्वसन्ध्यामा आयोजित पत्रकार सम्मेलनमा बोल्दै नेपाली टिमका प्रशिक्षक बालगोपाल महर्जनले बुधबारको दिन नेपाली फुटबलका लागि ऐतिहासिक क्षण बन्ने दावी गर्नुभयो । 

समग्रमा चौथो पटक सेमिफाइनलमा पुगे पनि नेपाल अहिलेसम्म फाइनलमा पुगेको छैन । 

‘हामीले अहिलेसम्म फाइनलको यात्रा तय गर्न सकेका छैनौं । भोलीको खेल नेपाली फुटबलको लागि ऐतिहासिक क्षण बन्नेछ,’ प्रशिक्षक महर्जनले भन्नुभयो ।

‘व्यक्तिगत रुपमा खेलाडीहरु क्षमतावान छन् । दिनप्रतिदिन मेरा खेलाडीहरु प्रदर्शनमा सुधार गर्दैछन्’ प्रशिक्षक महर्जनले भन्नुभयो,‘हामीले तीन खेलमा सात गोल गरिसकेका छौं । हाम्रा खेलाडीहरु स्कोरमा निकै राम्रो देखिएका छन् । बेन्चमा बसेका खेलाडी पनि गोल गर्न सक्षम छन् ।’

नेपालका कप्तान विराज महर्जनले अघिल्ला खेलको प्रदर्शनले गर्दा टिममा आत्मविश्वास बढेको प्रतिक्रिया दिनुभयोे ।
‘सेमिफाइनलमा प्रतिद्वन्द्वीका रुपमा माल्दिभ्स पाउँदा खुसी छौं । हामी उत्कृष्ट खेल्नेछौं, जित निकाल्नेमा विश्वस्त छौं,’ कप्तान विराजको भनाई छ ।


माल्दिभ्सका प्रशिक्षक पिटर सेग्रटले अघिल्लो खेलभन्दा राम्रो खेल्ने प्रतिक्रिया दिए । समूह चरणको खेलमा माल्दिभ्सले कुनै पनि गोल गर्न सकेको थिएन । पहिलो खेलमा श्रीलंकासँग गोलरहित बराबरीमा अंक बाँडेको माल्दिभ्स दोस्रो खेलमा भारतसँग २–० ले पराजित भएको थियो । 

 
 
 
 
 
 
 
 
 
 
 
 
 
 
 

A post shared by SAFF Suzuki Cup (@saffsuzukicup) on

श्रीलंका र माल्दिभ्सको समान गोलअन्तर भएका कारण टस गरेर उपविजेताको छिनोफानो भएको थियो, जसमा माल्दिभ्स भाग्यमानी सावित भएको थियो । 

प्रशिक्षक सेग्रटले भने,‘हामी अघिल्लो खेलभन्दा राम्रो खेल्ने प्रयास गर्नेछौं । नेपालको धेरै राम्रो टिम छ ।’

साफ च्याम्पियनसिपमा नेपाल र माल्दिभ्स अहिलेसम्म जम्मा ६ पटक खेलेका छन् । जसमा चार खेल माल्दिभ्सले जितेको छ भन दुई खेल बराबरीमा सकिएको थियो । साफ च्याम्पियसिपको सन् २००९ र २०११ को संस्करणमा बराबरी गर्न सफल नेपाल त्यसअघि भएका संस्करणमा भने पराजित भएको थियो ।

समग्रमा भने नेपाल र माल्दिभ्स १५ पटक खेलेका छन् । नेपालले चार खेल जितेको छ भने सात खेलमा पराजय भोगेको छ । बाँकी चार खेल बराबरीमा सकिएका छन् । नेपाल र माल्दिभ्स अन्तिम पटक सन् २०१२ मा मैत्रिपूर्ण खेलमा भिडेका थिए । जसमा नेपाल २–१ ले पराजित भएको थियो ।
 

अन्तिम अपडेट: कात्तिक १५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

बैंक तथा वित्तीय संस्थामा खाता खोल्दा केवाईसी विवरण भर्नु नपर्ने

२

ट्रम्पलाई विश्वभरबाट बधाईको ओइरो, रुस–युक्रेन र इजरायल–हमास युद्धबारे विभिन्न टिप्पणी र शङ्का

३

काेशीका मन्त्रीसँगै जापान गएका ३ जनाको साथबाट नक्कली कागजात बरामद, ६ जना पक्राउ

४

मकवानपुरमा बस पल्टिँदा ३५ जना घाइते

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई