श्रीलंका एसिया कपबाट बाहिरियो, अफगानिस्तान सेमिफाइनलमा

असोज २, २०७५ मंगलबार ७:३०:३८ | उज्यालो सहकर्मी

एसिया कप क्रिकेटमा पाँच पटकको च्याम्पियन श्रीलंकाले दोस्रो हार ब्यहोरेको छ । साेमबार राति भएको खेलमा कान्छो टेस्ट राष्ट्र अफगानिस्तानसँग ९१ रनले पराजित भएसँगै श्रीलंका एसिया कपको सेमिफाइनलमा पुग्ने सम्भावना सकिएको छ ।

पहिलो खेलमा बंगलादेशसँग १३७ रनले पराजित भएको थियो । साेमबार रातिको खेलमा टस जिति पहिला ब्याटिङ गरेको अफगानिस्तानले २४९ रन बनाएको थियो । २५० रनको लक्ष्य पछ्याएको श्रीलंका ४१.२ ओभरमा अल आउट हुँदै १५८ रनमा समेटिएको थियो ।

श्रीलंकाका थिसेरा परेराले आफ्नो वान डे करियरमा चौथो पटक पाँच या यो भन्दा अधिक विकेट लिन सफल भए पनि अफगानिस्तानका माथिल्लो क्रमका ब्याट्सम्यानको उत्कृष्ट प्रदर्शनले सम्मानजनक स्कोर खडा गरेको थियो । अफगानिस्तानका लागि रहमत साहले ७२, इसानुल्लाह जनातले ४५, हशमतुल्लाह शाहिदीले ३७ तथा मोहम्मद शहजादे ३४ रनको पारी खेलेका थिए ।

३ विकेट गुमाएर १९० रन बनाएको अफगनिस्तानले बाँकी ५९ रन जोड्दा बचेका ७ विकेट पनि गुमाएको थियो । श्रीलंकाका थिसेर परेराले ५५ रन दिएर ५ विकेट लिएपछि खेलमा फर्किएको थियो । यस्तै अकिला धनञ्जयले २ विकेट लिए । श्रीलंकाका उपुल थरंगाले ३६ तथा थिसेर परेराले २८ रन बनाएका थिए ।

अफगानिस्तानका रासिद खान, मुजीबउर रहेमान, मोहम्मद नावी र गुलाबदिन नहिबले समान २–२ विकेट लिए ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्